நேபாளத்திலிருந்து புதிய தூண்டல்...? ரூ.100 நோட்டில் இந்திய எல்லை பிரதேசங்கள்...!

உத்தரகாண்ட் எல்லையை ஒட்டி உள்ள காலாபனி, லிபுலேக், லிம்பியாதுரா பகுதிகளை, தனது நிலப்பகுதிகளாகவே தொடர்ந்து உரிமைகோரும் நேபாளம், இப்போது அதே நிலைப்பாட்டை மேலும் முன்னேற்றும் வகையில் புதிய அணுகுமுறையை எடுத்துள்ளது.

2020ஆம் ஆண்டு, அந்நாட்டு அப்போதைய பிரதமர் கே.பி. சர்மா ஒலி தலைமையிலான அரசு, இந்த மூன்று முக்கிய எல்லை பகுதிகளையும் இணைத்து புதிய வரைபடத்தை வெளியிட்டது. பின்னர், அந்த வரைபடத்தை நேபாள நாடாளுமன்றமே உத்தியோகபூர்வமாக அங்கீகரித்தது.

அப்போது இந்தியா உறுதியாக எதிர்ப்பு தெரிவித்து, "ஒருதலையான முடிவை ஏற்க முடியாது" என்று நேபாளம் மீது கடும் எச்சரிக்கை விடுத்தது.ஆனால், இந்த விவகாரம் தணியாமல் மீண்டும் புயலெழுந்துள்ளது.

ஏனெனில் நேபாள ராஷ்டிர வங்கி, தற்போது வெளியிட்டுள்ள புதிய ₹100 நோட்டில் இந்த விவகாரமான எல்லைப்பகுதி வரைபடமே அச்சிடப்பட்டுள்ளது. இந்த நடவடிக்கையால் நிலப்பிரச்சனை மீண்டும் தீப்பிடித்த வறண்ட புல் போல பரவி, இருநாடுகளின் உறவில் பதற்றத்தை உருவாக்கியுள்ளது.

நேபாளத்தின் இந்த முடிவு, இந்திய அரசியல் மற்றும் நெடுங்கால எல்லை விவாதத்தை மீண்டும் சூடுபடுத்தி, நாட்டளவில் பெரும் அதிர்வை கிளப்பியுள்ளது.