நடிகர் ரவி மோகன் கடந்த 2024ஆம் ஆண்டு தனது மனைவி ஆர்த்தியுடன் பிரிவதாக அறிவித்து, விவாகரத்திற்காக குடும்ப நல நீதிமன்றத்தில் வழக்கு தொடர்ந்திருந்தார். இந்த நிலையில், இருவருக்கும் இடையிலான தனிப்பட்ட வாழ்க்கை குறித்து அடிக்கடி செய்திகள் வெளியாகி வருகின்றன.

ரவி மோகன் – ஆர்த்தி தம்பதியருக்கு ஆரவ் ரவி மற்றும் அயான் என்ற இரண்டு ஆண் குழந்தைகள் உள்ளனர். விவாகரத்து அறிவிப்பிற்கு பிறகும், குழந்தைகள் தாயார் ஆர்த்தியுடன் வசித்து வருகின்றனர். அதே நேரத்தில், ரவி மோகன் அவ்வப்போது மகன்களுடன் நேரம் செலவிட்டு வருவதாக கூறப்படுகிறது.

இந்நிலையில், இயக்குநர் சிவக்குமார் முருகேசன் இயக்கத்தில் நடிகை ராதிகா நடித்துள்ள ‘தாய் கிழவி’ திரைப்படத்தின் செலிபிரிட்டி ஷோ சென்னை சத்யம் திரையரங்கில் நடைபெற்றது. இந்த நிகழ்ச்சியில் ஆர்த்தியும் கலந்துகொண்டார்.

அங்கு ஆர்த்தியை கண்ட நடிகை ராதிகா, அவரை அணைத்துப் பாசமாக முத்தமிட்டு, “நீ கவனமாக இரு… உன் இரண்டு மகன்களையும் நன்றாக பார்த்துக்கொள்” என அறிவுரை கூறியதாக கூறப்படுகிறது. இந்த வார்த்தைகள் கேட்டதும் ரவி மோகன் கண்கலங்கியதாகவும், அதற்கு பதிலாக ஆர்த்தி அவரை மேலும் இறுக்கமாக அணைத்துக்கொண்டதாகவும் நிகழ்ச்சியில் கலந்து கொண்டவர்கள் தெரிவித்துள்ளனர்.

ரவி மோகன் விவாகரத்து அறிவித்த பின்னர், நடிகைகள் ராதிகா, குஷ்பு, த்ரிஷா உள்ளிட்ட பலரும் ஆர்த்திக்கு ஆதரவாக இருந்து வருவதாக தகவல்கள் வெளியாகியுள்ளன. பல்வேறு சந்திப்புகள், பிறந்தநாள் நிகழ்வுகள் போன்றவற்றில் ஆர்த்தி மற்றும் அவரது குடும்பத்தினருடன் இணைந்து கலந்துகொண்டு வருகிறார்கள்.

ரவி மோகன் மற்றும் ஆர்த்தி காதலித்து 2009ஆம் ஆண்டு திருமணம் செய்துகொண்டனர். பல ஆண்டுகள் இணைந்து வாழ்ந்த இவர்களின் பிரிவு செய்தி ரசிகர்களிடையே அதிர்ச்சியை ஏற்படுத்தியது.

இந்த நிலையில், பொதுவெளியில் நடைபெற்ற இந்த உணர்ச்சிபூர்வ தருணம் மீண்டும் அவர்களின் குடும்ப வாழ்க்கை குறித்து கவனத்தை ஈர்த்துள்ளது. விவாகரத்து வழக்கு நீதிமன்றத்தில் நிலுவையில் இருக்கும் நிலையில், இருவரின் அடுத்த கட்ட முடிவு குறித்து ரசிகர்கள் ஆர்வத்துடன் காத்திருக்கின்றனர்.