பாரசீக வளை​குடா மற்​றும் ​ஹார்முஸ் ஜலசந்தி கடல் பகு​தி​யில் அமெரிக்கா 20 போர்க்கப்பல்களை நிலைநிறுத்​தி​யுள்​ளது. ஈ​ரானுடன் அமை​திப் பேச்​சு​வார்த்தை நடை​பெற்று வரும் நிலை​யில் இவ்வாறு போர் கப்பல்களை அமெரிக்க நிறுத்தியுள்ளதால் பதற்றம் நிலவுகிறது.

இரு நாடுகளுக்கும் இடையி​லான மோதலை தவிர்க்க ஈரானுடன் பேச்​சு​வார்த்​தைகள் நடை​பெற்று வரு​வ​தாக அமெரிக்க அதிபர் டொனால்டு ட்ரம்ப் தொடர்ந்து கூறி வரு​கின்ற நிலையில், சர்​வ​தேசக் கடல்​சார் வர்த்​தகப் பாதைகளுக்கு இடையூறு விளைவித்​தால் கடும் விளைவு​களைச் சந்​திக்க நேரிடும் என்​றும் ஈரானுக்கு அவர் கடுமை​யான எச்​சரிக்​கையும் விடுத்​துள்​ளார்.

இந்த சூழலில், உலகின் மிக முக்​கிய​மான எண்​ணெய் போக்​கு​வரத்​துப் பாதை​யான ஹார்​முஸ் ஜலசந்தி வழி​யாகச் செல்லும் கப்​பல்​களுக்கு ஈரானிய கடற்​படை​யால் ஆபத்து நேரிடக் கூடாது என்​ப​தற்​காக, அமெரிக்கா தனது 20 போர்க்​கப்பல்​கள் மற்​றும் விமானம் தாங்கி கப்​பல்​களைப் பிராந்​திய எல்லைக்கு அருகே கொண்டு வந்​துள்​ள​தாக டொனால்ட் ட்ரம்ப் குறிப்பிட்டுள்ளார். அதாவது, அமெரிக்க பாது​காப்​புப் படைகளின் இந்த நகர்​வு, ஈரானுக்​குக் கொடுக்​கும் நேரடி அழுத்​த​மாகவே கருத முடிகிறது.

ஒரு​புறம் அமைதி பேச்​சு​வார்த்​தை, மறு​புறம் போர்க்​கப்​பல்​கள் நிலைநிறுத்தியிருக்கும் நிலையில் மத்​திய கிழக்கு பிராந்​தி​யத்​தில் பெரும் போர் பதற்றத்தை  மீண்டும்ஏற்​படுத்​தி​யுள்​ளது. இரு நாடு​களுக்​கும் இடையி​லான இந்த மோதல் போக்​கு, உலகளா​விய கச்சா எண்​ணெய் சந்தை மற்​றும் வர்த்​தகத்​தில் பெரிய தாக்​கத்தை ஏற்​படுத்​தும்​ என எதிர்​பார்க்​கப்​படுகிறது.