சென்னை வானிலை ஆய்வு மையம் வெளியிட்டுள்ள புதிய முன்னறிவிப்பில், தமிழகத்தின் பல பகுதிகளில் மாறுபட்ட வானிலை நிலை உருவாகவுள்ளதாக தெரிவிக்கப்படுகின்றது.

சுமார் 0.9 கிலோமீட்டர் உயரத்தில், ஒடிசாவிலிருந்து மன்னார் வளைகுடா வரை தெலங்கானா, ராயலசீமா மற்றும் உள் தமிழகத்தை கடந்து செல்லும் வளிமண்டல காற்றழுத்த தாழ்வு பாதை நிலவி வருவதால், வானிலையில் மாற்றங்கள் காணப்படுகின்றன.

ஏப்ரல் 9 (09-04-2026): தமிழகம், புதுவை மற்றும் காரைக்கால் பகுதிகளில் ஓரிரு இடங்களில் இடி, மின்னலுடன் கூடிய லேசானது முதல் மிதமான மழை பெய்யக்கூடும்.
ஏப்ரல் 10 (10-04-2026): மேற்கு தொடர்ச்சி மலைப் பகுதிகளும் அதனை ஒட்டிய மாவட்டங்களும் மழையை சந்திக்கக்கூடும். இதேவேளை, தமிழகத்தின் பிற பகுதிகளிலும், புதுவை மற்றும் காரைக்காலிலும் லேசான மழை பெய்ய வாய்ப்புள்ளது.
ஏப்ரல் 11 (11-04-2026): மேற்கு தொடர்ச்சி மலை மாவட்டங்களில் மிதமான மழை நீடிக்கக்கூடும். மற்ற பகுதிகளில் ஓரளவு மழை தென்படலாம்.
வெப்பநிலை நிலவரம்:
ஏப்ரல் 9 முதல் 11 வரை அதிகபட்ச வெப்பநிலையில் குறிப்பிடத்தக்க மாற்றம் இருக்காது. ஆனால், ஏப்ரல் 12 மற்றும் 13ஆம் தேதிகளில் வெப்பநிலை சில இடங்களில் 2 முதல் 3 டிகிரி செல்சியஸ் வரை அதிகரிக்கக்கூடும் என தெரிவிக்கப்படுகின்றது.
இதேநேரம், ஏப்ரல் 9 மற்றும் 10ஆம் தேதிகளில் அதிக வெப்பத்துடன் கூடிய ஈரப்பதம் நிலவும் சூழலில், தமிழகத்தின் சில பகுதிகளில் மக்கள் அசௌகரியத்தை உணரக்கூடும்.
சென்னை மற்றும் புறநகர் பகுதிகள்:
இன்று நகரில் வானம் ஓரளவு மேகமூட்டத்துடன் காணப்படும். சில பகுதிகளில் இடி, மின்னலுடன் கூடிய லேசான முதல் மிதமான மழை பெய்ய வாய்ப்புள்ளது. அதிகபட்ச வெப்பநிலை 37-38°C அளவிலும், குறைந்தபட்சம் 28-29°C அளவிலும் இருக்கும்.
நாளையும் இதேபோன்ற மேகமூட்டத்துடன், ஓரிரு இடங்களில் லேசான மழை பெய்யக்கூடும். வெப்பநிலை பெரும்பாலும் மாறாமல் நீடிக்கும் என தெரிவிக்கப்படுகின்றது.