சென்னை வானிலை ஆய்வு மையம் வெளியிட்டுள்ள வானிலை அறிவிப்பில் தெரிவித்திருப்பதாவது,"கிழக்கு திசைக் காற்றின் வேகத்தில் ஏற்படும் மாறுபாடுகள் காரணமாக, தமிழகத்தில் வரும் நாட்களில் வானிலையில் சிறிய மாற்றங்கள் காணப்பட உள்ளன.
டிசம்பர் 14, 2025:
தமிழகம், புதுச்சேரி மற்றும் காரைக்கால் பகுதிகளில் பெரும்பாலும் வறண்ட வானிலையே நிலவும். அதேசமயம், அதிகாலை நேரங்களில் சில இடங்களில் லேசான பனிமூட்டம் தோன்ற வாய்ப்புள்ளது.

டிசம்பர் 15, 2025:
கடலோர தமிழகத்தின் ஓரிரு பகுதிகளிலும், புதுச்சேரி மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். உள் மாவட்டங்களில் வறண்ட வானிலை தொடரும். காலை நேரங்களில் சில இடங்களில் பனிமூட்டம் காணப்படலாம்.
டிசம்பர் 16, 2025:
கடலோர தமிழகத்தின் சில பகுதிகள், உள் தமிழகத்தின் ஓரிரு இடங்கள் மற்றும் புதுச்சேரி, காரைக்கால் பகுதிகளில் இடி, மின்னலுடன் கூடிய லேசானது முதல் மிதமான மழைக்கு வாய்ப்பு உள்ளது.
குறைந்தபட்ச வெப்பநிலை நிலவரம்:
டிசம்பர் 14 முதல் 16 வரை, தமிழகத்தில் குறைந்தபட்ச வெப்பநிலையில் பெரிய மாற்றம் ஏற்படாது. இருப்பினும், சில பகுதிகளில் வெப்பநிலை சற்று குறையும் வாய்ப்பு உள்ளது. இயல்பை விட 2 முதல் 3 டிகிரி செல்சியஸ் வரை குறைவாக பதிவாகலாம்.
சென்னை மற்றும் புறநகர் வானிலை:
இன்று:
வானம் ஓரளவு மேகமூட்டத்துடன் காணப்படும். அதிகாலை நேரங்களில் சில பகுதிகளில் லேசான பனிமூட்டம் உருவாகலாம். அதிகபட்ச வெப்பநிலை சுமார் 29 டிகிரி செல்சியஸாகவும், குறைந்தபட்ச வெப்பநிலை 20 முதல் 21 டிகிரி செல்சியஸாகவும் இருக்கும்.
நாளை:
வானிலை இன்று போன்று தொடரும். ஓரளவு மேகமூட்டம் காணப்படும் நிலையில், அதிகாலை நேரங்களில் லேசான பனிமூட்டம் உருவாகலாம். வெப்பநிலையும் 29 / 20–21 டிகிரி செல்சியஸை ஒட்டியே இருக்கும்.