அரசியலில் நடிகர் விஜய்யின் வளர்ச்சி, தமிழ்நாட்டிலும், தமிழ்நாட்டை தாண்டியும் எந்த அளவுக்கு செல்வாக்கு பரவியுள்ளது என்பதை Zoho நிறுவனர் ஸ்ரீதர் வேம்பு தனது ட்விட்டரின் அவர் சந்தித்த அனுபவங்களை குறிப்பிட்டு பதிவிட்டுள்ளார்.

''டெல்லி விமான நிலையத்தில் பாதுகாப்புச் சோதனையின்போது, தன் பெயரை வைத்துப் பார்த்தால் ஒடிசாவைச் சேர்ந்தவர் போலத் தெரிந்த அந்தப் பாதுகாப்பு அதிகாரி, என் உடையைப் பார்த்து நான் தமிழ்நாட்டைச் சேர்ந்தவன் என்று யூகித்து, உற்சாகமாக "சார், விஜய் தளபதி ஜெயிப்பாரா?" என்று கேட்டார்.

முன்தினம், என் கிராமத்தைச் சேர்ந்த, அரசியல் சாதுரியம் மிக்க, பெரிய சினிமா ரசிகர் அல்லாத ஒரு விவசாயி, "விஜய் நம் வாக்குச்சாவடியில் ஒரு ஆச்சரியத்தை ஏற்படுத்தப் போகிறார்" என்று என்னிடம் கூறினார். அவர் அண்ணாமலையின் தொண்டராக இருந்தவர்.

சமீபத்தில் துக்ளக் ஆய்வு ஒன்றில் கூறியது போல, தமிழ்நாட்டில் விஜய்யின் இந்த நிகழ்வை "சினிமா" அல்லது "கவர்ச்சி" என்று ஒதுக்கிவிடக் கூடாது - சமூகத்தின் பல்வேறு தரப்பு மக்களும் மாற்றத்திற்கான தங்கள் நம்பிக்கையை அவர் மீது வைத்துள்ளனர்.

At the security in Delhi airport. The security guy, likely from Odisha from his name, saw my attire and guessed I must be from Tamil Nadu and excitedly asked "Sir, Vijay Thalapathi win?" 🤓

Day before yesterday, a politically savvy farmer in my village, not a big movie fan, told…

— Sridhar Vembu (@svembu) May 1, 2026

கருத்துக் கணிப்புகளை நம்பக்கூடாது என்பதற்குக் காரணம், ஒரு மும்முனைக் கட்சிச் சூழலில், புதிய கட்சி எல்லாப் பக்கங்களிலிருந்தும் வாக்காளர்களைத் தன் பக்கம் இழுக்கும்போது, யார் வெற்றி பெறுவார்கள் என்பதை நம்மால் அறிய முடியாது.

அவர்களிடம் மிகச் சிறந்த கள அமைப்பு மற்றும் பணபலம் இருப்பதால், திமுக அல்லது அதிமுக வெற்றி பெறும் என்றே நான் இன்னும் நினைக்கிறேன். ஆனால், இவ்வளவு குறுகிய காலத்தில் விஜய்யின் அரசியல் எழுச்சி குறிப்பிடத்தக்கது'' என்று குறிப்பிட்டுள்ளார்.

ஸ்ரீதர் வேம்பு போன்ற தொழில்துறை பிரமுகர்கள் விஜய்யின் அரசியல் பயணத்தை கவனமாகக் கவனித்து வருவது தமிழ்நாடு அரசியலில் நடக்கும் மாற்றத்தின் தாக்கம் எந்தளவுக்கு இருக்கிறது என்பதை புரிந்துகொள்ள முடிகிறது.