அரசு சார்பில் இலவச ஏசியா? - தமிழக அரசு விளக்கம்.!!
tn government explain free ac issue
தமிழகத்தில் கோடை வெயில் வாட்டி வதைக்கிறது. வெயிலின் தாக்கம் கடுமையாக இருப்பதால் வீடுகளில் மின்விசிறிகள் ஓய்வின்றி இயங்குகின்றன. இருப்பினும் அவ்வப்போது ஏற்படும் மின்வெட்டு மக்களுக்கு அதிருப்தியை ஏற்படுத்துகிறது.
இந்த நிலையில், 'கோடைகால வெப்பத்தை தணிக்க மத்திய அரசு இலவசமாக 5 ஸ்டார் ஏ.சி. வழங்குகிறது. இந்த ஏசியை மாநில அரசின் இணையதளம் மூலம் பெற்றுக்கொள்ளலாம்' என்ற தகவல்கள் அடங்கிய வீடியோ ஒன்று சமூக வலைத்தளங்களில் வேகமாக பரவி வருகிறது. இதற்கு தமிழக அரசு விளக்கமளித்துள்ளது.
அதாவது, தமிழக அரசின் அதிகாரபூர்வ சமூக ஊடக கணக்கான தகவல் சரிப்பார்ப்பகம் வெளியிட்டுள்ள பதிவில் தெரிவித்துள்ளதாவது:- "ஏசி வழங்கப்படும் என்ற தகவல் முற்றிலும் வதந்தியே. மத்திய அரசு இப்படியான எந்த திட்டத்தையும் அறிவிக்கவில்லை. இது வதந்தி என்று மத்திய அரசின் பத்திரிகை தகவல் அலுவலகம் மறுத்துள்ளது" என்று தெரிவித்துள்ளது.
English Summary
tn government explain free ac issue