புதுச்சேரி மாணவர் கொலை முக்கிய குற்றவாளி மற்றும் PUBயின் உரிமையாளரை உள்ளடக்கிய 6 பேர் கைது செய்யப்பட்டனர்.

தேவனேசன் (24), மகன் மோகன்தாஸ், முகவரி: எண்.46, கிரெசென்ட் நகர், சென்னை சாலை, கோரனாடு, கருப்பூர், கும்பகோணம், தமிழ்நாடு, பெயர்யகடை காவல் நிலையத்திற்கு வந்து, 10/08/2025 அன்று அதிகாலை நேரத்தில் நிகழ்ந்த கொலை சம்பந்தமாக எழுத்து மூலம் புகார் அளித்தார்.

புகாரளித்தவர் தெரிவித்ததாவது, அவரது நண்பர் சாஜன் (வயது 23), த/பெ கிருஷ்ணன், வேல்ஸ் கல்லூரி, பல்லாவரம், சென்னை – இல் 3ஆம் ஆண்டு விஸ்காம் படித்து வருபவர், மற்றும் மதுரை, அனுப்பநாடி பகுதியைச் சேர்ந்தவர், 09.08.2025 அன்று தனது பிறந்த நாளை பாண்டிச்சேரி, மிஷன் தெரு, எண்.34-இல் அமைந்த OMG பபில் கொண்டாடினார். அந்த பிறந்த நாள் விழாவிற்கு, புகாரளித்தவர் மற்றும் அவரது நண்பர்கள் அபிராமச்சந்திரன் மற்றும் தருண்பாலாஜி (இவர்கள் இருவரும் கும்பகோணத்தைச் சேர்ந்தவர்கள்) அழைக்கப்பட்டனர். அதன்படி, அவர்கள் 10.08.2025 அன்று அதிகாலை 01.30 மணியளவில் குறித்த பபில் வந்தபோது, சாஜன் மற்றும் அவரது நண்பர் மோஷிக் சண்முகபிரியன் (வயது 22), த/பெ மீனாட்சி சுந்தர பாண்டியன், எண்.28, ஓவர்சீஸ் தெரு, சிவகங்கை, தமிழ்நாடு, மற்றும் அவருடன் இருந்த மற்ற நண்பர்கள் பப்பில் பணியாளர்களுடன் தகராறில் ஈடுபட்டனர். அந்த தகராறின் போது, பப்பின் பணியாளர்கள் சாஜன் மற்றும் மோஷிக்கை வெளியே தள்ளி, கத்தி மற்றும் மரக்கட்டையை கொண்டு தாக்கினர். அதன்பின், மோஷிக் சிகிச்சை பெறும் போது உயிரிழந்தார். அவரது நண்பர் சாஜன் தற்போது பாண்டிச்சேரி அரசு மருத்துவமனையில் சிகிச்சை பெற்று வருகிறார். எனவே, புகாரளித்தவர் உரிய நடவடிக்கை எடுக்குமாறு கேட்டுக்கொண்டார்.

இது சம்பந்தமாக பெரியக்கடை காவல் நிலையத்தில் குற்ற எண். 95/2025 U/s 191(1), 191(2), 118(2), 109, 103(1) r/w 190 BNS of 2023 வழக்கு பதிவு செய்யப்பட்டு விசாரணைக்கு எடுத்துக் கொள்ளப்பட்டது.

மேற்படி வழக்கில் குற்றவாளிகளை விரைந்து கண்டுபிடிக்க காவல்துறை துணை தலைவர் சத்தியசுந்திரம்,  மற்றும் முதுநிலை காவல் கண்காணிப்பாளர் கலைவாணன்,  வழிகாட்டுதலில், கிழக்கு பகுதி காவல் கண்காணிப்பாளர் செல்வி. ஈஷாசிங் நேரடி மேற்பார்வையிலும் பெரியக்கடை காவல் நிலைய ஆய்வாளர் ஜெயசங்கர் தலைமையில், உதவி ஆய்வாளர்  முருகன், சிறப்பு அதிரடிப்படை மற்றும் கிழக்கு பகுதி மற்றும் பெரியகடை காவல் நிலைய குற்றபிரிவுகள் உள்ளிட்ட தனிப்படை அமைத்து  சம்பவத்தில் ஈடுபட்ட குற்றவாளிகளைக் தேடி வந்தனர்.

முக்கிய குற்றவாளிகள் அசோகராஜ் மற்றும் ராஜ்குமார் வழங்கிய ஒப்புதல் வாக்குமூலத்தின் அடிப்படையில், சிறப்பு குழு தீவிர விசாரணை மூலம் 6-குற்றவாளிகளை கைது செய்தனர். மேல் விசாரனையில்   அசோகராஜ், சம்பவத்தில் கத்தி கொண்டு குத்தியதாக ஒப்புதல் வாக்குமூலம் அளித்துள்ளார். இறந்தவரின் உடலுக்கு பிரேத பரிசோதனை மேற்கொள்ளப்பட்டு, உடல் உறவினர்களிடம் ஒப்படைக்கப்பட்டது. காயமடைந்த மற்றொரு நபர் சிகிச்சை முடிந்து மருத்துவமனையிலிருந்து வெளியேறியுள்ளார்; அவரின் நிலை தற்போது பாதுகாப்பாக உள்ளது.