#BREAKING : புதுக்கோட்டை தேர் கவிழ்ந்த விபத்தில் காயமடைந்த பெண் ஒருவர் உயிரிழப்பு.!
Pudhukottai chariot collapse 1 women death
புதுக்கோட்டை தேர் கவிழ்ந்து காயமடைந்து சிகிச்சை பெற்று வந்த பெண் ஒருவர் உயிரிழந்துள்ளார்.
புதுக்கோட்டை மாவட்டம் திருக்கோகர்ணம் பிரகதாம்பாள் கோயில் தேரோட்டம் கடந்த ஆகஸ்ட் 1ம் தேதி நடைபெற்றது. இந்த திருவிழாவில் ஏராளாமான பக்தர்கள் கலந்து கொண்டனர்.
இந்த திருவிழாவில் தேர் நிலையத்தில் இருந்து இழுக்க தொடங்கிய சிறிது நேரத்தில் திடீரென முன்பக்கமாக கவிழ்ந்து விபத்துக்குள்ளானது. இதனைப் பார்த்த பொதுமக்கள் அலறி அடித்தபடி ஓடினர். இந்த விபத்தில் தேருக்கு அருகில் நின்ற 10-க்கும் மேற்பட்டோர் காயம் அடைந்தனர்.
உடனே பாதுகாப்பு பணியில் ஈடுபட்டிருந்த போலீசார் காயமடைந்தவர்களை மீட்டு மருத்துவமனைக்கு அனுப்பி வைத்தனர். அங்கு அவர்களுக்கு சிகிச்சை அளிக்கப்பட்டு வந்தது.
இந்த நிலையில் தேர் விபத்தில் சிக்கி காயமடைந்து கடந்த ஒரு வார காலமாக சிகிச்சை பெற்று வந்த ராஜகுமாரி (வயது 52) என்ற பெண் ஒருவர் உயிரிழந்துள்ளார்.
English Summary
Pudhukottai chariot collapse 1 women death