திரண்ட போலீசார்! மணிப்பூரில் நடந்த துப்பாக்கிச் சூடு...! 4 பேர் பலி!

மணிப்பூர் மாநிலம் சூரசந்த்பூர் மாவட்டத்திலுள்ள மோங்ஜாங் கிராமத்தில் மர்ம நபர்கள் 4 பேரை துப்பாக்கியால் சுட்டுக்கொலை செய்த சம்பவம் அம்மாநிலத்தில் பெரும் பரபரப்பை ஏற்படுத்தியுள்ளது.

அதாவது இன்று மதியம் 2 மணியளவில் மோங்ஜாங் கிராமம் அருகே காரில் 4 பேர் பயணம் செய்துள்ளனர். அச்சமயம் திடீரென கார் மீது மர்ம நபர்கள் பயங்கர துப்பாக்கிச்சூடு நடத்தியுள்ளனர்.

இதில் 4 பேர் சம்பவ இடத்திலேயே பலியாகினர். மேலும், இதில் ஒருவர் 60 வயது முதிய பெண் ஆவார்.இந்த நிகழ்விற்கு எந்த அமைப்பும் பொறுப்பேற்கவில்லை.

அப்பகுதிக்கு காவலர்கள், கூடுதல் பாதுகாப்புப்படையினர் விரைந்துள்ளனர்.மேலும் இதுகுறித்த விரிவான தகவல் எதுவும் கிடைக்கவில்லை.