கொரோனா சிகிச்சை முடிந்து திரும்பினார் கமலஹாசன்..!

கொரோனா தொற்று பாதித்து சிகிச்சை பெற்று வந்த கமலஹாசன் சிகிச்சை முடிந்து வீடு திரும்பினார்.

இந்தியாவில் கடந்த ஆண்டு கொரோனா பரவ ஆரம்பித்தது. கொரோனாவை கட்டுபடுத்த அரசு பல்வேறு நடவடிக்கைகளை மேற்கொண்டு வருகின்றது. முதல் அலையை காட்டிலும் இரண்டாம் அலை மிகப்பெரிய பாதிப்பை ஏற்படுத்தியது.

கொரோனா தற்போது கட்டுகுள் வந்த நிலையில் இந்தியா முழுவதும் தடுப்பூசி செலுத்தும் தடுப்பூசி செலுத்தும் பணி நடைபெற்று வருகிறது. இந்நிலையில், நடிகரும் மக்கள் நீதிமய்யத்தின் தலைவருமான கமலஹாசனுக்கு கொரோனா ஏற்பட்டது.

அமெரிக்கப் பயணம் முடிந்து திரும்பிய பின் லேசான இருமல் இருந்தது. பரிசோதனை செய்ததில் கோவிட் தொற்று உறுதியானது. மருத்துவமனையில் தனிமைப்படுத்திக் கொண்டுள்ளேன். இன்னமும் நோய்ப்பரவல் நீங்கவில்லையென்பதை உணர்ந்து அனைவரும் பாதுகாப்பாக இருங்கள்.
— Kamal Haasan (@ikamalhaasan) November 22, 2021

கடந்த 22ம் தேதி சமூகவலைதள பக்கத்தில் இதனை உறுதிசெய்த அவர் மருத்துவமனையில் சிகிச்சை பெற்றுவந்தார். இந்நிலையில், கொரோனா சிகிச்சை முடிந்த இன்று அவர் வீடு திரும்பியுள்ளார்.