தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ள அதிமுக எம்.எல்.ஏ.க்கள் கட்சித் தாவல் விவகாரம் தொடர்பாக, அதிமுக முன்னாள் அமைச்சர் அக்ரி கிருஷ்ணமூர்த்தி மற்றும் தனபால் எம்.பி. ஆகியோர் சென்னை கிண்டியில் உள்ள ஆளுநர் மாளிகையில் ஆளுநர் ஆர்லேகரைச் சந்தித்து மனு அளித்துள்ளனர். அதிமுக பொதுச்செயலாளர் எடப்பாடி பழனிசாமி அனுப்பிய இந்த மனுவில், தற்போதைய தவெக அரசின் மீது அடுக்கடுக்கான குற்றச்சாட்டுகள் முன்வைக்கப்பட்டுள்ளன.

ஆளுநரிடம் அளித்த மனுவின் பின்னணி 

அதிமுகவைச் சேர்ந்த 4 எம்.எல்.ஏ.க்கள் சமீபத்தில் தங்களது பதவிகளை ராஜினாமா செய்துவிட்டு, தமிழக வெற்றிக் கழகத்தில் (தவெக) இணைந்துள்ளனர். தவெக அரசில் பெரிய அளவில் குதிரை பேரம் நடப்பதாக அதிமுக தொடர்ந்து குற்றம்சாட்டி வரும் நிலையில், இந்த விவகாரத்தில் ஆளுநர் தலையிடக் கோரி அதிகாரப்பூர்வப் புகார் அளிக்கப்பட்டுள்ளது.

அக்ரி கிருஷ்ணமூர்த்தியின் செய்தியாளர் சந்திப்பு

ஆளுநரைச் சந்தித்த பின் செய்தியாளர்களிடம் பேசிய அக்ரி கிருஷ்ணமூர்த்தி, தவெக அரசின் செயல்பாடுகளைக் கடுமையாகச் சாடினார்:

 அரசியலமைப்புச் சட்ட விதி 167: குதிரை பேரத்தின் மூலம் அதிமுக சட்டமன்ற உறுப்பினர்களை விலைபேசி வரும் தவெக அரசின் சட்டவிரோத நடவடிக்கைகளைத் தடுத்து நிறுத்த, அரசியலமைப்புச் சட்ட விதி 167-ன் கீழ் ஆளுநர் உரிய நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது.

அலுவலகமாக மாறிய தலைமைச் செயலகம்: தற்போதைய சூழலில் தமிழகத்தின் "தலைமைச் செயலகமே தவெகவின் அலுவலகமாக மாறிவிட்டது" என்று அவர் மிகக் கடுமையான குற்றச்சாட்டை முன்வைத்தார்.

 மத்திய முகமைகளின் விசாரணைக்குக் கோரிக்கை

 "எம்.எல்.ஏ.க்கள் கட்சித் தாவிய விவகாரத்தில் மிகப்பெரிய அளவில் பணப் பரிமாற்றம் நடைபெற்றிருப்பதாகத் தகவல்கள் வருகின்றன. எனவே, ஜனநாயகத்தைக் காக்கும் பொருட்டு மத்திய அரசு உடனடியாக சிபிஐ (CBI) விசாரணைக்கு உத்தரவிட வேண்டும். மேலும், அமலாக்கத்துறையும் (ED) இதில் கவனம் செலுத்தி விசாரிக்க வேண்டும்."

தனபால் எம்.பி., செய்தியாளர் சந்திப்பில் பேசியதிலிருந்து. ஆளுநர் தங்களது புகாரின் மீது உரிய மற்றும் விரைவான சட்டப்பூர்வ நடவடிக்கைகளை மேற்கொள்வார் என்று நம்புவதாக அதிமுக தரப்பு தெரிவித்துள்ளது.