தமிழ்நாட்டில் தொடர்ந்து 3 மாதங்களாக ஜிஎஸ்டி (GST) வரி வசூல் சரிவைச் சந்தித்து வரும் நிலையில், உண்மையான பொருளாதார நிலையை மறைத்துத் தவெக அரசு போலி கணக்குகளைக் காட்டி வருவதாகத் திமுக முன்னாள் நிதியமைச்சர் தங்கம் தென்னரசு கடுமையாகக் குற்றம் சாட்டியுள்ளார்.

உள்நாட்டு பொருளாதாரம் மந்தம்: ஒரு மாநிலத்தில் வசூலிக்கப்படும் மொத்த ஜிஎஸ்டி என்பது அதன் உள்நாட்டுப் பொருளாதார நடவடிக்கைகளின் பிரதிபலிப்பாகும். மாநிலத்திற்குள் நடைபெறும் பொருட்கள் மற்றும் சேவைகளின் பரிவர்த்தனை தொடர்ந்து குறைவது உள்நாட்டுப் பொருளாதாரத் தேக்கநிலையைக் காட்டுகிறது.

17% உயர்வு கணக்கு திசைதிருப்பல்: வரி விகிதக் குறைப்புக்குப் பிறகும் சரிவு தொடரும் சூழலில், 'Post Settlement'-க்கு பிறகு 17% உயர்வு ஏற்பட்டுள்ளது என்ற கணக்கை மட்டும் முன்வைத்து சமூக வலைதளங்களில் விடியோக்கள் மூலம் நியாயப்படுத்துவது உண்மையை மறைக்காது.

IGST ஒப்பீடு முறையல்ல: மாநிலத்திற்குள் வரி வசூல் ஏன் குறைகிறது என்பதற்குப் பதில் சொல்லாமல், வெளிமாநிலங்களில் இருந்தும் இறக்குமதி மூலமாகவும் பெறப்படும் IGST வருவாயைக்ாட்டுவது மாநிலப் பொருளாதார வளர்ச்சிக்கு முழுமையான விளக்கம் அல்ல.

தவெக அரசுக்குக் கேள்வி: வெறும் வருவாய் எண்களை வைத்துக் கொண்டு விளையாடுவதை நிறுத்திவிட்டு, தமிழ்நாட்டின் உள்நாட்டுப் பொருளாதாரம் ஏன் தொடர்ந்து தேய்ந்து வருகிறது என்பதற்கு ஆளும் தவெக அரசு முறையான விளக்கமளிக்க வேண்டும் எனத் தங்கம் தென்னரசு வலியுறுத்தியுள்ளார்.