வாகனம் நிறுத்துவதில் தகராறு.. ஒருவர் அடித்துக் கொலை.. பரபரப்பு!
Dispute over parkingOne person beaten to death Chaos
வீட்டின் முன் மோட்டார் சைக்கிளை நிறுத்தியதால் ஏற்பட்ட தகராறில் நெசவு தொழிலாளி அடித்துக் கொலை செய்யப்பட்ட சம்பவம் பரபரப்பை ஏற்படுத்தி உள்ளது.
கடலூர் கூத்தப்பாக்கத்தை சேர்ந்த நெசவு தொழிலாளியான மனோகர் வண்டிப்பாளையத்தில் உள்ள தனியார் நெசவு பட்டறையில் வேலை பார்த்து வந்தார்.45 வயதான மனோகர், வேலைக்கு செல்லும் போது தனது மோட்டார் சைக்கிளை நெசவு பட்டறை அருகில் உள்ள கந்தன் என்பவரது வீட்டின் அருகே நிறுத்துவதை வழக்கமாக கொண்டிருந்தார்.
இதுதொடர்பாக மனோகருக்கும், கந்தனுக்கும் இடையே கடந்த சில நாட்களாக தகராறு ஏற்பட்டு வந்ததாக அக்கம் பக்கத்தில் சொல்லப்படுகிறது .இதேபோல நேற்று மனோகர் வழக்கம் போல் வேலைக்கு வந்த அவர் அந்த இடத்தில வாகனத்தை நிறுத்தியுள்ளார்.
இந்த நிலையில் மீண்டும் மாலை 4.30 மணியளவில் மீண்டும் அவர்கள் இருவருக்கும் இடையே தகராறு ஏற்பட்டது. அப்போது கந்தன், கார்த்திகேயன் உள்ளிட்ட 3 பேர் சேர்ந்து மனோகரை சரமாரியாக தாக்கினர். இதில் படுகாயம் அடைந்த அவரை அக்கம் பக்கத்தினர் மீட்டு சிகிச்சைக்காக கடலூர் அரசு மருத்துவமனைக்கு கொண்டு சென்ற போது வழியிலேயே மனோகர் பரிதாபமாக இறந்தார்.

இதுகுறித்து தகவல் அறிந்த கடலூர் முதுநகர் போலீசார் சம்பவ இடத்திற்கு விரைந்து வந்து விசாரணை நடத்தினர். மேலும் இந்த சம்பவம் தொடர்பாக கந்தன் உள்ளிட்ட 3 பேரை பிடித்து போலீஸ் நிலையத்திற்கு அழைத்து சென்று விசாரணை நடத்தி வருகின்றனர்.
வீட்டின் முன் மோட்டார் சைக்கிளை நிறுத்தியதால் ஏற்பட்ட தகராறில் நெசவு தொழிலாளி அடித்துக் கொலை செய்யப்பட்ட சம்பவம் பரபரப்பை ஏற்படுத்தி உள்ளது.
English Summary
Dispute over parkingOne person beaten to death Chaos