தமிழ்நாடு சட்டப்பேரவையில் பேரவை விதி 110-ன் கீழ் முதலமைச்சர் விஜய் பெண்களுக்கான கட்டணமில்லாப் பேருந்து பயணத் திட்டத்தைப் பெருமளவில் விரிவுபடுத்தும் 'வெற்றிப் பயணம்' என்ற புதிய திட்டத்தை அறிவித்துள்ளார்:

நடைமுறைக்கு வரும் நாள்: தேசத்தந்தை மகாத்மா காந்தியடிகளின் பிறந்த நாளான அக்டோபர் 2-ஆம் தேதி முதல் இப் புதிய திட்டம் மாநிலம் முழுவதும் அதிகாரப்பூர்வமாக நடைமுறைக்கு வரவுள்ளது.

பேருந்து சேவைகள் விரிவாக்கம்: தற்போது சாதாரண பேருந்துகளில் 40 கி.மீ. வரை மட்டுமே அனுமதிக்கப்படும் பயணச் சலுகை விரிவுபடுத்தப்பட்டு, மாநகரம் மற்றும் நகரப் பகுதிகளில் இயங்கும் எக்ஸ்பிரஸ் (Express), எல்.எஸ்.எஸ் (LSS) மற்றும் டீலக்ஸ் (Deluxe) அரசுப் பேருந்துகளிலும் மகளிர் இலவசமாகப் பயணிக்கலாம்.

மாவட்டங்களுக்கு இடையிலான பயணம்: மாவட்டங்களுக்கு இடையே பொதுமக்கள் சென்று வர ஏதுவாக, புறநகர் மற்றும் மலைப்பகுதிகளில் இயங்கும் சாதாரணக் கட்டணப் பேருந்துகளிலும் மகளிர்க்குக் கட்டணமில்லாப் பயணச் சலுகை வழங்கப்படுகிறது.

திட்டத்தின் சிறப்பம்சங்கள் மற்றும் பயனாளிகள்

கட்டுப்பாடுகளற்ற சலுகை: இத் திட்டத்தில் பயன்பெற எந்தவித வருமான உச்சவரம்போ அல்லது ஒரு நாளில் மேற்கொள்ள விரும்பும் பயண எண்ணிக்கையிலோ எவ்விதக் கட்டுப்பாடுகளும் விதிக்கப்படவில்லை.

திருநநர்களுக்கும் சலுகை: பெண்களைப் போலவே திருநநர்களும் இக் கட்டணமில்லா 'வெற்றிப் பயணம்' திட்டத்தின் மூலம் இலவசமாகப் பயணிக்க வழிவகை செய்யப்பட்டுள்ளது.

சமூக மற்றும் பொருளாதார முதலீடு: பெண்களின் இயக்க சுதந்திரத்தையும் பொருளாதார முன்னேற்றத்தையும் உறுதி செய்யும் இத் திட்டம் மாணவிகள் கல்லூரிக்குச் செல்லவும், பணிக்குச் செல்வோர் மற்றும் தொழில்முனைவோர் தடையின்றிப் பயணிக்கவும் பெரும் உறுதுணையாக இருக்கும்.

நிதி ஒதுக்கீடு

ஆண்டுச் செலவினம்: 'வெற்றிப் பயணம்' திட்டத்தை மாநிலம் முழுவதும் முழுமையாகச் செயல்படுத்துவதற்காக ஆண்டுதோறும் தோராயமாக ரூ.6,000 கோடி நிதிச் செலவினம் ஏற்படும் எனத் தெரிவிக்கப்பட்டுள்ளது.