ரயில் பயணிகள் கவனத்திற்கு...! பராமரிப்பு பணியால் கோவை - சோரனூர் ரயில் திடீர் ரத்து...!

பாலக்காடு-சோரனூர் இடையே தண்டவாள பராமரிப்பு பணிகள் தீவிரமாக நடைபெற்று வருகின்றன. இந்த பணிகளை சீராக முன்னெடுக்க வசதியாக, கோவை-சோரனூர் பயணிகள் ரெயில் சேவையில் மாற்றம் செய்யப்பட்டுள்ளதாக தெரிவிக்கப்படுகிறது.

அதன்படி, கோவையிலிருந்து சோரனூர் நோக்கி இயக்கப்படும் (வண்டி எண்: 56603) பயணிகள் ரெயில், நாளை (சனிக்கிழமை) மாலை 4.25 மணிக்கு வழக்கம்போல் கோவையில் இருந்து புறப்பட்டாலும், பாலக்காடு ரெயில் நிலையத்திலேயே சேவை நிறுத்தப்படும்.

அதன் பின்னர் சோரனூர் நோக்கி இயக்கம் மேற்கொள்ளப்படாது.இதேபோல், சோரனூரில் இருந்து கோவை நோக்கி இயக்கப்படும் (வண்டி எண்: 56604) பயணிகள் ரெயில், நாளை மறுநாள் (ஞாயிற்றுக்கிழமை) காலை 8.20 மணிக்கு புறப்பட வேண்டிய நிலையில், முழுமையாக ரத்து செய்யப்பட்டுள்ளதாக தெரிவிக்கப்படுகிறது.இந்த மாற்றங்கள் குறித்து திருப்பூர் ரெயில்வே அதிகாரி ஒருவர் தகவல் வழங்கியுள்ளார்.