குழந்தைக்கு தாய்ப்பால் கொடுத்தபோது திடீரென மூச்சுத்திணறல் ஏற்பட்டு குழந்தை மயங்கி உயிரிழந்த சம்பவம் மதுரை மாவட்டம் உசிலம்பட்டி அருகே சோகத்தை ஏற்படுத்தியுள்ளது.

மதுரை மாவட்டம் உசிலம்பட்டி ஆவடைத்தங்கம் நாடார் தெருவை சேர்ந்த தம்பதி விநாயக்,கண்மணி. இவர்களுக்கு திருமணம் முடிந்து கடந்த  ஒன்றரை ஆண்டுகளுக்கு முன்பு ஆண் குழந்தை பிறந்தது. இந்த குழந்தை பிறந்த நாளன்றே இறந்துவிட்டது.இதனால் இந்த தம்பதி மன வருத்தத்தில் இருத்துவந்துள்ளனர்.

இந்நிலையில் இந்தத்தம்பதிக்கு அடுத்த குழந்தை பிறந்துள்ளது.முதல் குழந்தை பிறந்து இறந்த நிலையில் இரண்டாவது குழந்தை பிறந்ததால் சந்தோசமகா அந்த தம்பதி இருந்தனர்.

இரண்டாவது குழந்தை  8 மாதங்களுக்கு முன்பு சென்னையில்உள்ளஒருதனியார்மருத்துவமனையில்குழந்தை பிறந்தது. கண்மணிக்கு 2-வதாக பெண் குழந்தை பிறந்த ஒரு மாதத்தில் உசிலம்பட்டிக்கு கொண்டு வந்தனர். இந்நிலையில் நேற்று குழந்தைக்கு கண்மணி தாய்ப்பால் கொடுத்தபோது திடீரென மூச்சுத்திணறல் ஏற்பட்டு குழந்தை மயங்கியதாக கூறப்படுகிறது.

இதனால் அதிர்ச்சி அடைந்த கண்மணி மற்றும் குடும்பத்தினர் உடனடியாக குழந்தையை உசிலம்பட்டி அரசு மருத்துவமனைக்கு கொண்டு வந்தனர்.ஆனால்  அங்கு சிகிச்சை பலனின்றி குழந்தை பரிதாபமாக இறந்தது. இதுகுறித்து தகவல் அறிந்த உசிலம்பட்டி நகர் போலீசார் அங்கு சென்று குழந்தையின் உடலை மீட்டு பிரேத பரிசோதனைக்காக அனுப்பி வைத்தனர். மேலும் குழந்தையின் இறப்புக்கான காரணம் குறித்து போலீசார் விசாரித்து வருகின்றனர்.

முதல் குழந்தை பிறந்து இறந்த நிலையில் இரண்டாவது குழந்தையும் இறந்துபோனதால் அந்த தம்பதி மிகுந்த வருத்தத்தில் உள்ளனர்,குழந்தைக்கு தாய்ப்பால் கொடுத்தபோது திடீரென மூச்சுத்திணறல் ஏற்பட்டு குழந்தை மயங்கி உயிரிழந்த சம்பவம் மதுரை மாவட்டம் உசிலம்பட்டி அருகே சோகத்தை ஏற்படுத்தியுள்ளது.