அதிகாலையிலேயே அதிர்ச்சி - தமிழக மீனவர்கள் 18 பேர் கைது.!
18 tamilnadu fishermans arrested
கடலுக்கு மீன்பிடிக்க சென்ற தமிழக மீனவர்கள் 18 பேரை இலங்கை கடற்படை கைது செய்துள்ள சம்பவம் பெரும் அதிர்ச்சியை ஏற்படுத்தியுள்ளது.
நெடுந்தீவு அருகே மீன் பிடித்துக் கொண்டிருந்த தமிழக மீனவர்கள் 18 பேரை எல்லை தாண்டி மீன் பிடித்ததாக கூறி இலங்கை கடற்படையினர் கைது செய்துள்ளனர். மேலும், 2 விசைப்படகுகளுடன் கைது செய்யப்பட்ட மீனவர்களை காங்கேசன் கடற்படை முகாமுக்கு அழைத்து செல்லப்பட்டனர்.
இலங்கை கடற்படையால் தமிழக மீனவர்கள் தொடர்ந்து சிறைபிடிக்கப்படும் சம்பவம் மீனவ மக்களிடையே சோகத்தை ஏற்படுத்தி உள்ளது. இந்த கைது நடவடிக்கையை தடுக்க மத்திய, மாநில அரசுகள் நடவடிக்கை மேற்கொள்ள வேண்டும் என்று கோரிக்கை விடுத்துள்ளனர்.
English Summary
18 tamilnadu fishermans arrested