ரஞ்சி கோப்பை பிளேட் குரூப் போட்டியில் மேகாலயா அணிக்காக விளையாடிய வீரர் ஆகாஷ் சௌதரி, வெறும் 11 பந்துகளில் அதிவேக அரைசதம் அடித்து முதல் தர கிரிக்கெட்டில் புதிய சாதனை படைத்துள்ளார்.

அருணாசலப் பிரதேச அணிக்கு எதிரான போட்டியில், மேகாலயா அணிக்காக 8-வது வீரராகக் களமிறங்கிய ஆகாஷ் சௌதரி, முதல் பந்தில் ரன் எதுவும் எடுக்கவில்லை. அடுத்த இரண்டு பந்துகளில் 2 ரன்கள் எடுத்த அவர், அதன்பின் தான் சந்தித்த தொடர்ச்சியான 8 பந்துகளிலும் 8 சிக்ஸர்கள் விளாசி அதிவேகமாக அரைசதம் கடந்தார். அவர் மொத்தம் 14 பந்துகளில் 50 ரன்களுடன் களத்தில் இருந்தார். மேகாலயா அணி 6 விக்கெட் இழப்புக்கு 628 ரன்கள் எடுத்திருந்தபோது டிக்ளேர் செய்தது.

முறியடிக்கப்பட்ட சாதனைகள்

அதிவேக அரைசதம்: இதற்கு முன்பு, முதல் தர போட்டிகளில் 2012-ல் வயன் வொயிட் 12 பந்துகளில் அரைசதம் அடித்ததே சாதனையாக இருந்தது. அதை ஆகாஷ் சௌதரி முறியடித்துள்ளார்.

🚨 Record Alert 🚨

First player to hit eight consecutive sixes in first-class cricket ✅

Fastest fifty, off just 11 balls, in first-class cricket ✅

Meghalaya's Akash Kumar etched his name in the record books with a blistering knock of 50*(14) in the Plate Group match against… pic.twitter.com/dJbu8BVhb1

— BCCI Domestic (@BCCIdomestic) November 9, 2025

ஒரு ஓவரில் 6 சிக்ஸர்கள்: மேலும், சர் கர்ஃபீல்டு சாபர்ஸ் (1968) மற்றும் ரவி சாஸ்திரி (1984-85) ஆகியோருக்கு அடுத்தபடியாக, முதல் தர போட்டிகளில் ஒரு ஓவரின் 6 பந்துகளிலும் 6 சிக்ஸர்கள் விளாசிய மூன்றாவது வீரர் என்ற பெருமையையும் ஆகாஷ் சௌதரி பெற்றுள்ளார்.