உலக டெஸ்ட் சாம்பியன்ஷிப் பைனல்! ஐசிசி வெளியிட்ட முக்கிய அறிவிப்பு!

உலக டெஸ்ட் சாம்பியன்ஷிப் இறுதி ஆட்டத்தில் பங்கேற்பதற்காக இந்திய கிரிக்கெட் அணி இங்கிலாந்து சென்றுள்ளது. இறுதி ஆட்டத்தில் ஆடும் மற்றொரு அணியான நியூசிலாந்து அணி இங்கிலாந்துடன் டெஸ்ட் தொடரில் விளையாடி வருகிறது.

பெரும் எதிர்பார்ப்பை ஏற்படுத்தியுள்ள இந்த போட்டியில் பணியாற்றவுள்ள நடுவர்களின் பட்டியல் வெளியிடப்பட்டுள்ளது. அந்த பட்டியலில் மைக்கேல் காவ், ரிச்சர்ட் இல்லிங்வொர்த் ஆகியோர் கள நடுவர்களாகவும் தொலைக்காட்சி நடுவராக ரிச்சர்ட் கெட்டில்பாரோவும் பணியாற்றவுள்ளார்கள்.

கிறிஸ் பிராட், போட்டியின் நடுவராகப் பணியாற்றுவார் என அறிவிக்கப்பட்டுள்ளது. கொரோனா காலம் என்பதால் போட்டி நடக்கும் இங்கிலாந்து நாட்டை சார்ந்த நடுவர்கள் அறிவிக்கப்பட்டுள்ளார்கள் என்பது குறிப்பிடத்தக்கது.