பாகிஸ்தானுக்கு எதிரான 2-வது டெஸ்ட் போட்டியில் 2 வீரர்கள் சதம் அடித்து அசத்தியுள்ளனர்.முதல் நாளில் தென் ஆப்பிரிக்கா அணி 316 ரன்கள் குவித்துள்ளனர். 

 2 போட்டிகள் கொண்ட டெஸ்ட் தொடரில் விளையாட பாகிஸ்தான் கிரிக்கெட் அணி தென் ஆப்பிரிக்காவில் சுற்றுப்பயணம் மேற்கொண்டுவருகிறது. இதில் நடைபெற்ற முதல் போட்டியில் தென் ஆப்பிரிக்கா வெற்றி பெற்று தொடரில் 1-0 என்ற கணக்கில் முன்னிலையில் உள்ளது. இதனையடுத்து இவ்விரு அணிகள் இடையிலான 2-வது மற்றும் கடைசி டெஸ்ட் கேப்டவுனில் நேற்று தொடங்கியது.

இதில் டாஸ் வென்ற தென் ஆப்பிரிக்க அணியின் கேப்டன் பவுமா பேட்டிங்கை தேர்வு செய்தார். அப்போது  முதல் இன்னிங்சை தொடங்கிய தென் ஆப்பிரிக்க அணி 72 ரன்களுக்குள் 3 முன்னணி விக்கெட்டுகளை இழந்து தடுமாறியபோது நெருக்கடிக்கு மத்தியில் ஜோடி சேர்ந்த பவுமா - ரையான் ரிக்கெல்டன் இணை அணியை சரிவிலிருந்து மீட்டதுடன் அபாரமாக விளையாடிய இருவரும் சதமடித்து அசத்தினர். அபாரமாக ஆடிய ரிக்கெல்டன் 2-வது சதத்தையும், பவுமா 4-வது சதத்தையும் பதிவு  செய்தனர். அணியின் ஸ்கோர் 307-ஆக உயர்ந்தபோது, பவுமா 106 ரன்களில் கேட்ச் ஆனார். இவர்கள் இருவரும் இணைந்து 235 ரன்கள் பார்ட்னர்ஷிப் குவித்து அசத்தினர்.

முதல் நாள் முடிவில் தென் ஆப்பிரிக்கா முதல் இன்னிங்சில் 80 ஓவர்களில் 4 விக்கெட்டுக்கு 316 ரன்கள் குவித்துள்ளது. ரிக்கெல்டன் 176 ரன்களுடனும் , டேவிட் பெடிங்ஹாம் 4 ரன்னுடனும் களத்தில் உள்ளனர்.பாகிஸ்தானுக்கு எதிரான 2-வது டெஸ்ட் போட்டியில் 2 வீரர்கள் சதம் அடித்து அசத்தியுள்ளனர்.முதல் நாளில் தென் ஆப்பிரிக்கா அணி 316 ரன்கள் குவித்துள்ளனர். 
 இன்று 2-வது நாள் ஆட்டம் நடைபெற உள்ளது.