மார்க்கெட் போயி நான் அரசியலுக்கு வரவில்லை... ரஜினி கமலை போட்டு தாக்கிய விஜய்!
TVK Vijay Say About Rajinikanth Kamalhaasan
மதுரையில் நடைபெற்ற தமிழக வெற்றிக் கழகத்தின் இரண்டாவது மாநில மாநாட்டில் கட்சித் தலைவர் விஜய் மேடையேறியதும் மக்களிடையே பேராரவாரம் எழுந்தது.
தனது வழக்கமான பாணியில் உரையாற்றிய அவர், ஒரு குட்டிக் கதையையும் பகிர்ந்து ரசிகர்களின் கவனத்தை ஈர்த்தார்.
உரையில், திமுக மற்றும் பாஜகவை நேரடியாக விமர்சித்த விஜய், அவை தான் தனது கொள்கை எதிரிகளும் அரசியல் எதிரிகளுமெனத் தெரிவித்தார். பெண்கள் முன்னேற்றத்தையும், மக்களின் நலனையும் முன்னிலைப்படுத்தி தான் ஆட்சியை நடத்தப்போகிறோம் என வலியுறுத்தினார்.
மேலும், “நான் அரசியலுக்கு வருவதற்கு முன்பே பலர் இவர் வரமாட்டார் என கூறினர். நான் சந்தை இழந்த பிறகு அல்லது ஓய்வு பெற்ற பிறகு அடைக்கலம் தேடி அரசியலுக்கு வரவில்லை. மக்கள் மனங்களிலும் வீடுகளிலும் இடம் பெற்ற பிறகே கட்சியைத் தொடங்கியுள்ளேன்” என்றார்.
இது நடிகர் ரஜினிகாந்த் கடைசி வரை அரசியலில் நுழையாமல் விலகியதையும், கமல்ஹாசன் மார்க்கெட் இழந்த நிலையில் அரசியலுக்குள் வந்தாரென மறைமுகமாக விஜய் தாக்கி பேசியுள்ளதாக பலராலும் சொல்லப்படுகிறது.
English Summary
TVK Vijay Say About Rajinikanth Kamalhaasan