அறிவாலயத்தில் ‘சைலன்ஸ்’... தமிழகத்தில் ‘விசில்’...! 110 இடங்களில் தவெக விஸ்வரூபம்...! - கழற்றப்பட்ட பந்தல்களால் திமுக அதிர்ச்சி...!

தமிழக சட்டப்பேரவைத் தேர்தல் முடிவுகள் தொடர்ந்து வெளியாகிக் கொண்டிருக்கும் சூழலில், நடிகர் விஜய் வழிநடத்தும் தமிழக வெற்றிக் கழகம் தற்போது 110 தொகுதிகளில் வலுவான முன்னிலைப் பிடித்து அரசியல் அரங்கில் கவனம் ஈர்த்து வருகிறது.

இதற்கு மாறாக, ஆட்சியில் உள்ள திமுக கூட்டணி வெறும் 66 தொகுதிகளிலேயே முன்னிலை பெற்று எதிர்பாராத பின்னடைவை சந்தித்து வருகிறது.

இதற்கு முன்பாக, அண்ணா அறிவாலயத்தில் திமுகவின் வெற்றியை கொண்டாடும் நோக்கில் பட்டாசுகள் வெடிக்கவும், நிர்வாகிகள் கூடும் வகையில் விரிவான பந்தல்கள் அமைக்கப்பட்டும் இருந்தன.

ஆனால் தற்போதைய நிலைமையில், அங்கு அமைக்கப்பட்டிருந்த பந்தல்கள் அகற்றப்பட்டு வருவது காணப்படுகிறது.

திமுக எதிர்பார்த்த அளவில் முன்னிலை பெறாததால், ஒருகாலத்தில் உற்சாகக் குரல்களால் முழங்கிய அண்ணா அறிவாலயம் தற்போது சோகமான அமைதியில் மூழ்கி, தனது வழக்கமான உற்சாகத் தோற்றத்தை இழந்துள்ளதாக தெரிவிக்கப்படுகிறது.