விருதுநகர் திமுக இளைஞரணி கூட்டத்தில் முதல்வர் மு.க.ஸ்டாலின் நடந்துகொண்ட விதம், தவெக தலைவர் விஜய்யின் பாணியை அப்படியே காப்பி அடித்திருப்பதாக எழுந்துள்ள விமர்சனங்கள் அரசியலில் சலசலப்பை ஏற்படுத்தியுள்ளன. இது குறித்துத் தவெக துணைப் பொதுச்செயலாளர் ராஜ்மோகன் கோவையில் ஆற்றிய உரையின் சாராம்சம்:

அதே டெய்லர், அதே வாடகை: சிவப்பு கம்பளம், ராம்ப் நடை, பின்னணி இசை என விஜய்யின் கூட்டங்களில் இடம்பெறும் அம்சங்களை முதல்வர் அப்படியே பின்பற்றுவதாக ராஜ்மோகன் சாடினார். "முதல்வர் போட்டிருக்கும் சட்டை இன்னொருவருடையது" என அவர் உருவகப்படுத்திப் பேசியது வைரலாகி வருகிறது.

திட்டமிட்ட செயல்பாடுகள்: தொண்டர்கள் வீசும் துண்டை எடுத்துப் போட்டுக் கொள்வது, செல்ஃபி எடுப்பது போன்றவற்றை விஜய்யைப் பார்த்து முதல்வர் அப்படியே காப்பி செய்கிறார் எனக் குற்றம் சாட்டினார்.

மலர் விவகாரம்: கூட்டத்தில் ஒரு சிறுவன் கொடுத்த பூவை என்ன செய்வது என்று தெரியாமல் முதல்வர் கீழே போட்டது, அவருக்குத் தொண்டர்கள் மீதுள்ள உண்மையான அக்கறையைக் கேள்விக்குள்ளாக்குவதாக விமர்சித்தார்.

சிவப்பு கம்பளத்தில் நடப்பவர்கள் எல்லாம் வென்றுவிட முடியாது. மக்கள் கடலில், லட்சக்கணக்கான தொண்டர்களின் ஆரவாரத்திற்கு நடுவே 'தளபதி' விஜய் வரும் அந்த மெய்சிலிர்க்கும் தருணமே உண்மையான அரசியல் சக்தி எனக் குறிப்பிட்டார்.

"முதல்வர் ஸ்டாலின் ஒரு மூத்த அரசியல்வாதி, அவரை நான் மதிக்கிறேன். ஆனால், ஒரு கடைக்கோடித் தொண்டனாகக் கேட்கிறேன், அந்தப் பேண்ட் கலரைக் கூடவா மாற்றாமல் அப்படியே காப்பி அடிப்பீர்கள்?" என ராஜ்மோகன் தனது பேச்சில் கிண்டலாகச் சுட்டிக்காட்டினார்.