பிரதமர் நரேந்திர மோடி தான் பங்கேற்கும் முக்கிய நிகழ்வுகளில் அணியும் ஆடைகளுக்காக எப்போதுமே சமூக வலைதளங்களில் கவனம் ஈர்ப்பவர். தற்போது, அவர் அணிந்துள்ள கைக்கடிகாரம் ஒன்று அனைவரையும் கவர்ந்துள்ளதுடன், அதன் பின்னணி குறித்த சுவாரசியத் தகவலும் வெளியாகியுள்ளது.

இந்தியா சுதந்திரம் அடைந்ததை நினைவுகூரும் வகையில் இந்தக் கைக்கடிகாரம் பிரத்யேகமாக வடிவமைக்கப்பட்டுள்ளது.

நாணயத்தின் சிறப்பு: இந்தியா 1947-ஆம் ஆண்டில் சுதந்திரம் அடைந்த நிலையில், அதைப் போற்றும் விதமாக 1947-ஆம் ஆண்டு வெளியிடப்பட்ட ஒரு ரூபாய் நாணயத்தைக் கொண்டு இந்தக் கடிகாரம் உருவாக்கப்பட்டுள்ளது. (இந்த நாணயம் ஆங்கிலேய ஆட்சியின் கீழ் அச்சிடப்பட்ட கடைசிக் கடைசி நாணயம் என்பது கூடுதல் சிறப்பு).

வடிவமைப்பு: நாணயத்தின் நடுவே, இந்தியாவின் சுதந்திரப் பயணத்தையும், நாட்டின் 'மேக் இன் இந்தியா' திட்டத்தையும் பிரதிபலிக்கும் வகையில் ஒரு புலியின் உருவம் இடம்பெற்றுள்ளது.

பிராண்ட் மற்றும் விலை: ஜெய்ப்பூரைச் சேர்ந்த ஒரு நிறுவனம் தயாரித்துள்ள இந்த ரோமன் பாக் (Roman Bach) பிராண்ட் கடிகாரம், சுமார் ரூ.55 ஆயிரம் முதல் ரூ.60 ஆயிரம் வரை விலையைக் கொண்டது. இது 43 மி.மீ. அளவுள்ள துருப்பிடிக்காத எக்கினால் (Stainless Steel) உருவாக்கப்பட்டுள்ளது.

பிரதமர் மோடியின் இந்தப் பிரத்யேகக் கைக்கடிகாரம் தற்போது சமூக வலைதளங்களில் வைரலாகி வருகிறது.