முன்னாள் மத்திய அமைச்சர் குலாம்நபி ஆசாத், மேற்கு வங்க முன்னாள் முதலமைச்சர் புத்ததேவ் பட்டாச்சார்யா,  டாடா குழுமத் தலைவர் சந்திர சேகரன், கூகுள்  சுந்தர் பிச்சை உள்ளிட்ட  21  பேருக்கு பத்மபூஷன் உட்பட 122 பேருக்கு பத்ம விருதுகள் அறிவிக்கப்பட்டுள்ளன. 

மேலும், விமான விபத்தில் காலமான முப்படைகளின் தலைமைத் தளபதி பிபின் ராவத்துக்கு பத்மவிபூஷன் விருது வழங்கப்பட்டு உள்ளது. ஒலிம்பிக்கில் தங்கம் வென்ற நீரஜ் சோப்ராவுக்கு பத்மஸ்ரீ வழங்கப்பட்டு உள்ளது.

தமிழகத்தை பொறுத்தவரை சமூக சேவகர் தாமோதரன், நடிகை சவுகார் ஜானகி, சிற்பி பாலசுப்பிரமணியன், மருத்துவர் வீராசாமி சேஷய்யா, கலைத்துறையைச் சேர்ந்த முத்துக்கண்ணம்மாள், ஏ.கே.சி. நடராஜன் உள்ளிட்ட 7 பேருக்கு பத்மஸ்ரீ விருது வழங்கப்பட்டு உள்ளது.

இந்நிலையில், மேற்கு வங்காள மாநில பின்னணி பாடகி சந்தியா தனக்கு பத்மஸ்ரீ விருது வேண்டாம் என்று நிராகரித்துள்ளார். 

இதற்கான காரணம், 90 வயதில் விருது வழங்குவது தன்னை அவமதிப்பது போல இருப்பதாகவும், எந்தவித அரசியல் பின்புலமும் இல்லை என்றும்  சந்தியா முகர்ஜி தெரிவித்து உள்ளார்.

இதேபோல் முன்னதாக மத்திய அரசின் பத்மஸ்ரீ விருதை புறக்கணிப்பதாக மேற்குவங்க முன்னாள் முதல்வர் புத்ததேவ் பட்டாச்சார்யா அறிவித்துள்ளார். ஆனால், அதற்கான காரணம் எதுவும் அவர் இதுவரை தெரிவிக்கவில்லை என்பது குறிப்பிடத்தக்கது.