2024–25 நிதியாண்டில் மாநில அரசியல் கட்சிகள் பெற்ற நன்கொடைகள் முந்தைய ஆண்டுடன் ஒப்பிடும்போது மூன்று மடங்கு அதிகரித்துள்ளதாக ஜனநாயக சீர்திருத்தங்களுக்கான சங்கம் (ADR) வெளியிட்டுள்ள அறிக்கை தெரிவிக்கிறது.

மக்கள் பிரதிநிதித்துவச் சட்டத்தின்படி, ரூ.20 ஆயிரத்திற்கும் அதிகமான நன்கொடைகள் தொடர்பான விவரங்களை பதிவு செய்யப்பட்ட அரசியல் கட்சிகள் இந்திய தேர்தல் ஆணையத்திடம் சமர்ப்பிக்க வேண்டும். அந்தத் தகவல்களின் அடிப்படையில் ADR இந்த அறிக்கையை வெளியிட்டுள்ளது.

அறிக்கையின்படி, 2024–25 நிதியாண்டில் மாநிலக் கட்சிகள் மொத்தம் ரூ.1,051.66 கோடி நன்கொடையாக பெற்றுள்ளன. இது, 2023–24 நிதியாண்டில் கிடைத்த ரூ.347.69 கோடியை ஒப்பிடுகையில் சுமார் மூன்று மடங்கு அதிகமாகும்.

மேலும், 2023–24ல் 2,861 நன்கொடைகள் பதிவாகியிருந்த நிலையில், 2024–25ல் அந்த எண்ணிக்கை 5,297 ஆக உயர்ந்துள்ளது.

நன்கொடை பெற்ற மாநிலக் கட்சிகள் (2024–25)

• திமுக – ரூ.365.78 கோடி

• திரிணாமுல் காங்கிரஸ் – ரூ.184.96 கோடி

• ஒய்எஸ்ஆர் காங்கிரஸ் – ரூ.140.04 கோடி

• தெலுங்கு தேசம் – ரூ.83 கோடி

• அதிமுக – ரூ.66 கோடி

• பிஜு ஜனதா தளம் – ரூ.60 கோடி

• ஜார்க்கண்ட் முக்தி மோர்ச்சா – ரூ.33.23 கோடி

• ஜனசேனா – ரூ.25.33 கோடி

• ஐக்கிய ஜனதா தளம் – ரூ.18 கோடி

அறிக்கையின்படி, திமுக பெற்ற ரூ.365.78 கோடியில், ரூ.300.64 கோடி அறிவிக்கப்படாத நன்கொடையாளர்களிடமிருந்து பெறப்பட்டதாக குறிப்பிடப்பட்டுள்ளது.

நிறுவனங்களின் பங்களிப்பு அதிகரிப்பு

2024–25 நிதியாண்டில் பெருநிறுவனங்கள் மற்றும் வர்த்தக நிறுவனங்களின் நன்கொடைகள் கணிசமாக உயர்ந்துள்ளன. அவற்றின் பங்களிப்பு ரூ.227.61 கோடியில் இருந்து ரூ.644.93 கோடியாக உயர்ந்துள்ளது.

அதிக நிதி வழங்கிய அமைப்புகள்

அறிக்கையின்படி:

• புருடெண்ட் எலக்டோரல் டிரஸ்ட் – ரூ.434 கோடி (38 தவணைகளில்)

• டைகர் அசோசியேட்ஸ் – ரூ.160 கோடி

• புரோக்ரஸிவ் எலக்டோரல் டிரஸ்ட்

• வேதாந்தா

• ஏபி ஜெனரல் எலக்டோரல் டிரஸ்ட்

ஆகிய அமைப்புகளும் மாநில அரசியல் கட்சிகளுக்கு குறிப்பிடத்தக்க அளவில் நன்கொடை வழங்கியுள்ளன.

மாநில அரசியல் கட்சிகளின் நிதி வரவு கணிசமாக அதிகரித்திருப்பது, அரசியல் நிதி வெளிப்படைத்தன்மை மற்றும் நன்கொடை மூலங்கள் குறித்து மீண்டும் விவாதத்தை ஏற்படுத்தியுள்ளது.