இந்தியா கூட்டணியில் உள்ள ஆம் ஆத்மி மற்றும் காங்கிரஸ் இடையேயான தொகுதி பங்கீடு உறுதி செய்யப்பட்டுள்ளது.

டெல்லியை பொறுத்தவரை மொத்தமுள்ள 7 தொகுதிகளில் ஆம் ஆத்மி 4 தொகுதிகளிலும், காங்கிரஸ் 3 தொகுதிகளிலும் போட்டியிடுகிறது.

புதுடெல்லி,மேற்கு டெல்லி, தெற்கு டெல்லி, கிழக்கு டெல்லி ஆகிய 4 தொகுதிகளில் ஆம் ஆத்மியும், சாந்தினி சவுக், வட கிழக்கு டெல்லி, வட மேற்கு டெல்லி ஆகிய 3 தொகுதிகளில் காங்கிரஸ் கட்சியும் களமிறங்குகிறது. 

குஜராத் மாநிலத்தை பொறுத்தவரை இந்தியா கூட்டணியில் உள்ள ஆம் ஆத்மி மற்றும் காங்கிரஸ் இடையேயான தொகுதி பங்கீடு உறுதி செய்யப்பட்டுள்ளது. அதன்படி குஜராத்தில் உள்ள 26 மக்களவைத் தொகுதிகளில் ஆம் ஆத்மி கட்சி 2 தொகுதிகளிலும், காங்கிரஸ் கட்சி 24 தொகுதிகளிலும் போட்டியிடுகிறது.

ஹரியானா மாநிலத்தை பொறுத்தவரை இந்தியா கூட்டணியில் உள்ள ஆம் ஆத்மி மற்றும் காங்கிரஸ் இடையிலான தொகுதி பங்கீட்டின் படி10 மக்களவைத் தொகுதிகளில் காங்கிரஸ் கட்சி 9 தொகுதிகளிலும், ஆம் ஆத்மி கட்சி குருஷேத்ரா தொகுதியிலும் போட்டியிடுகிறது.கோவாவில்‌ உள்ள 2 தொகுதிகளிலும் காங்கிரஸ் கட்சி போட்டியிட உள்ளதுடன். பஞ்சாப்பில் ஆளும் ஆம்‌ ஆத்மி தனித்து களமிறங்க போவதாக அறிவித்துள்ளது என்பது குறிப்பிடத்தக்கது.