காலை நேரம் மனித உடலுக்கும் மனதுக்கும் மிகவும் முக்கியமான நேரம். இந்த நேரத்தில் நாம் செய்யும் சிறிய பழக்கங்களே நாள் முழுவதும் நம்மை சுறுசுறுப்பாக வைத்திருக்கவோ அல்லது சோர்வடையச் செய்யவோ முடியும். ஆனால் பெரும்பாலானோர் தினமும் அறியாமலே ஒரு பெரிய தவறை செய்து வருகிறார்கள். அதுதான் – காலை எழுந்தவுடன் மொபைல் போனை உடனே பார்க்க ஆரம்பிப்பது.

அலாரம் அடித்தவுடன் WhatsApp, Instagram, News, YouTube என்று மொபைலை திறக்கும்போது, மூளை இன்னும் ஓய்வு நிலையில் இருக்கும். அந்த நேரத்தில் திடீரென வரும் திரை வெளிச்சமும் தகவல் குவியலும் மூளைக்கு அதிர்ச்சியை ஏற்படுத்துகிறது. இதனால் dopamine மற்றும் cortisol போன்ற ஹார்மோன்கள் திடீரென அதிகரித்து, மன அழுத்தமும் கவனம் சிதறும் நிலையுமாகிறது. மருத்துவர்கள் இதை “Digital Morning Shock” என்று குறிப்பிடுகிறார்கள்.
இந்த பழக்கம் தொடர்ந்தால் நாள் முழுக்க சோர்வு, எரிச்சல், கவனம் குறைவு, தலைவலி போன்ற பிரச்சனைகள் ஏற்படுகின்றன. வேலை அல்லது படிப்பில் மனம் ஒன்றிப்போகாமல் இருப்பதற்கும், இரவு நேரத்தில் தூக்கம் சரியாக வராமல் போவதற்கும் இதுவே ஒரு முக்கிய காரணமாகும். அதனால் தான் பலர் “நன்றாக தூங்கினாலும் ஏன் சோர்வாக இருக்கிறது?” என்று கேட்கிறார்கள்.
இதற்கு தீர்வு மிகவும் எளிமையானது. காலை எழுந்தவுடன் குறைந்தது 10 நிமிடம் மொபைலை தொடாமல் இருக்க வேண்டும். ஒரு கண்ணாடி வெந்நீர் குடித்து, ஜன்னல் வழியாக வெளிச்சத்தை பார்த்து, சில நிமிடங்கள் ஆழ்ந்த சுவாசம் செய்தால் உடலும் மனமும் இயல்க விழிப்படையும். மனதில் ஒரு நல்ல எண்ணத்தை வைத்துக்கொண்டு நாளை தொடங்கினாலே, ஆற்றல் மட்டமும் மனநிலையும் கணிசமாக மேம்படும்.