எக் டார்ட் (Egg Tart) – சீனாவின் மென்மையான இனிப்பு ராணி
எக் டார்ட் என்பது சீனாவில் (முக்கியமாக ஹாங்காங்) மிகவும் பிரபலமான இனிப்பு வகை. இதன் அடிப்படை ஒரு பை போல இருக்கும் கீழே மொறு மொறுப்பான மாவு அடிப்புடன், மேலே மென்மையான, இனிப்பான முட்டை பால் கலவை பூரணமாக இருக்கும்.
ஒவ்வொரு கவ்விலும் வெண்ணெய் வாசனையுடன் கூடிய மென்மையான பால் இனிப்பு சுவை பரவுகிறது. இந்த டார்ட், மேற்கத்திய கஸ்டார்ட் பை போல இருந்தாலும், சீன பாணியில் குறைந்த இனிப்பும் நறுமணமும் கொண்டது.
தேவையான பொருட்கள் :
பை அடிக்கான பொருட்கள்:
மைதா மாவு – 1 கப்
உப்பு – சிறிதளவு
வெண்ணெய் – ½ கப் (குளிர வைத்தது)
குளிர்ந்த நீர் – 2 முதல் 3 டேபிள் ஸ்பூன்
பூரணத்துக்கான பொருட்கள்:
முட்டை – 2
பால் – ½ கப்
சர்க்கரை – ¼ கப்
வனில்லா எசென்ஸ் – ½ டீஸ்பூன்

தயாரிக்கும் முறை :
பை அடியை தயார் செய்வது:
மைதா மாவு, உப்பு சேர்த்து கலந்து கொள்ளவும்.
அதில் குளிர்ந்த வெண்ணெயை சிறு துண்டுகளாக சேர்த்து, கைகளால் நசுக்கி பொடியாகக் கலந்து கொள்ளவும் (பொடி வெண்ணெய் மாவில் கலந்து ‘bread crumbs’ மாதிரி ஆக வேண்டும்).
குளிர்ந்த நீரை சிறிது சிறிதாகச் சேர்த்து மெல்லிய பை மாவு போல பிசைந்து, பிளாஸ்டிக் ஷீட்டில் மடித்து 20 நிமிடங்கள் ஃப்ரிட்ஜில் வைக்கவும்.
பின்னர் மாவை உருட்டி டார்ட் மூல்டில் போட்டு அடியை அமைக்கவும்.
பூரணத்தை தயார் செய்வது:
ஒரு பாத்திரத்தில் பால் மற்றும் சர்க்கரையை சேர்த்து நன்கு கலக்கவும்.
முட்டைகளை சேர்த்து நன்றாக அடிக்கவும்.
அதில் வனில்லா எசென்ஸ் சேர்த்து கலக்கவும்.
இந்த கலவையை சின்ன ஜல்லி மூலம் வடிகட்டி பை அடியில் ஊற்றவும்.
சமைக்கும் முறை:
ஓவனை 180°C வெப்பநிலையில் முன் சூடாக்கவும்.
டார்ட் தட்டுகளை அதில் வைத்து 20-25 நிமிடங்கள் அல்லது மேல் பொன்னிறமாக வரும் வரை பேக் செய்யவும்.
குளிர வைத்து பரிமாறவும்.