சீஸ் ஆம்லெட்... வாயில வச்ச உடனே கரையும் ...!
cheese omelet
சீஸ் ஆம்லெட்
தேவையான பொருட்கள் :
பொருள் - அளவு
முட்டை 8
வெங்காயம் 4
தக்காளி 2
பச்சை மிளகாய்4
சீஸ் 5 க்யூப்
எண்ணெய்தேவையான அளவு
மிளகுத் தூள்தேவையான அளவு
உப்பு தேவையான அளவு
செய்முறை :
சீஸ் ஆம்லெட் செய்வதற்கு முதலில் வெங்காயம், தக்காளி மற்றும் பச்சை மிளகாயை பொடிப் பொடியாக நறுக்கிக் கொள்ளவும். பிறகு சீஸை துருவி வைத்துக் கொள்ளவும்.
பிறகு ஒரு பாத்திரத்தில் முட்டைகளை உடைத்து ஊற்றி, முட்டையுடன் வெங்காயம், தக்காளி, பச்சை மிளகாய், மிளகுத் தூள் மற்றும் உப்பு சேர்த்து நன்கு அடித்துக் கொள்ளவும்.
பிறகு ஒரு தவாவை சூடாக்கி பரவலாக எண்ணெய் தடவி முட்டைக் கலவையை அதில் ஊற்றி, மூடி போட்டு மெல்லிய தீயில் வைத்து வேக விடவும்.
வெந்த பின்பு அதன் ஒரு பாதியில் மட்டும் நறுக்கிய சீஸை பரவலாக தூவி ஒரு நிமிடம் மூடி வைக்கவும். சீஸ் உருகியதும் மறு பாதியால் மூடவும். சுவையான சீஸ் ஆம்லெட் ரெடி. தேவைக்கேற்ப துண்டுகள் போட்டு பரிமாறவும்.