இந்தியா – ஆஸ்திரேலியா முதல் ஒருநாள் போட்டியில் ஆஸ்திரேலியா 7 விக்கெட்டுகள் வித்தியாசத்தில் வெற்றி பெற்றது. பெர்த் மைதானத்தில் நடைபெற்ற இந்த போட்டியில் டாஸ் வென்ற ஆஸ்திரேலியா, பந்துவீச்சைத் தேர்வு செய்தது.

மழை காரணமாக ஆட்டம் 26 ஓவர்களாகக் குறைக்கப்பட்டது. இந்திய அணி ஆரம்பத்திலேயே விக்கெட்டுகளை இழந்தது. கே.எல்.ராகுல் 38 ரன்களுடன் சிறப்பாக விளையாடினார். ஆனால், மற்ற வீரர்கள் பெரிய ஸ்கோரைப் பெற முடியாமல், இந்தியா 136/9 ரன்களில் இன்னிங்ஸை முடித்தது.

மழையால் விளையாட்டு தடங்கல் ஏற்பட்டதால், டிஎல்எஸ் விதிமுறையின்படி ஆஸ்திரேலியாவுக்கு 131 ரன்கள் இலக்காக நிர்ணயிக்கப்பட்டது.

பதிலுக்கு ஆஸ்திரேலியா துவக்கம் முதலே நிதானமாக விளையாடியது. தொடக்க வீரர்கள் சில விரைவில் அவுட் ஆனபோதும், கேப்டன் மிட்செல் மார்ஷ் தன்னம்பிக்கையுடன் ஆடியார். 46 ரன்கள் எடுத்து ஆட்டமிழக்காமல் அணியை வெற்றிக்குக் கொண்டுசென்றார்.

21.1 ஓவர்களில் 131/3 ரன்கள் எடுத்து ஆஸ்திரேலியா எளிதாக வெற்றி பெற்றது. இந்திய பந்துவீச்சாளர்களில் அர்ஷ்தீப் சிங், வாஷிங்டன் சுந்தர், அக்‌ஷர் படேல் தலா ஒரு விக்கெட்டை வீழ்த்தினர்.

முதலாவது போட்டியில் தோல்வி அடைந்த இந்தியா, தொடரை சமநிலைக்கு கொண்டுவர அடுத்த போட்டியில் வெற்றியை நோக்கி போராட உள்ளது. இரண்டாவது ஒருநாள் ஆட்டம் வரும் அக்டோபர் 23ஆம் தேதி அடிலெய்டில் நடைபெற உள்ளது.