இந்தியாவில் இருமடங்காக அதிகரித்துள்ள இருதய பிரச்சனை!

உலகெங்கிலும் உள்ள மருத்துவர்கள் கோவிட் -19 தொடர்பான இருதய பிரச்சினைகள் அதிகரித்துள்ளதாகப் கூறியுள்ளனர். உலகளவில் 17.9 மில்லியன் இருதய நோய் தொடர்பான இறப்புகளில் ஐந்தில் ஒரு பங்கை இந்தியா கொண்டுள்ளது.

குறிப்பாக இளைய தலைமுறையினர். ஆரோக்கியமற்ற வாழ்க்கை முறை, சமநிலையற்ற உணவு, மன அழுத்தம், புகைபிடித்தல் மற்றும் குடிப்பழக்கம் ஆகியவை இளைஞர்களின் இதயப் பிரச்சினைகளுக்கு மிகப்பெரிய காரணமாக அமைகிறது. 

 இந்தியர்களிடையே இதயப் பிரச்சனைகள் கிட்டத்தட்ட இரு மடங்காக அதிகரித்துள்ளது. தற்போது இளைஞர்களை அதிகம் பாதிக்கிறது என்று மருத்துவர்கள் மற்றும் நிபுணர்கள் கூறுகின்றனர்.

கடந்த ஆண்டு, நடிகர்கள் சித்தார்த் சுக்லா (40 வயது) மற்றும் புனித் ராஜ்குமார் (46 வயது) மாரடைப்பால் இறந்தனர், அமித் மிஸ்திரி (47 வயது) மாரடைப்பு காரணமாக இறந்தார். 

இந்திய ஹார்ட் அசோசியேஷன் கருத்துப்படி, இந்திய ஆண்களுக்கு ஏற்படும் மாரடைப்புகளில் 50 சதவீதம் பேர் 50 வயதிற்குட்பட்டவர்களுக்கு ஏற்படுகின்றன. அதே போல் இந்திய ஆண்களில் 25% மாரடைப்பு 40 வயதிற்குட்பட்டவர்களுக்கு ஏற்படுகிறது. 45 வயதுக்கு மேற்பட்டவர்களிடையே கூட இருதய நோய்களின் பாதிப்பு அதிகமாக உள்ளது. உலக அளவில் 2016 ஆம் ஆண்டில், தொற்று அல்லாத நோய்களால் ஏற்பட்ட மொத்த இறப்புகளில் 63% இந்தியாவில் பதிவாகியுள்ளது.

இதில் 27% CVD களால் ஏற்பட்டதாக WHO அறிக்கை கூறுகிறது. 40-69 வயதிற்குட்பட்டவர்களில் 45% இறப்புகளுக்கு CVD களும் காரணமாகின்றன.

சமீப காலமாக, பல இளைஞர்கள் இதயக் கோளாறுகளால் பாதிக்கப்பட்டுள்ளனர். நவி மும்பையில் உள்ள அப்பல்லோ மருத்துவமனையின் இருதயநோய் நிபுணரான டாக்டர் நிகில் பார்ச்சூர், கடந்த சில ஆண்டுகளில் 40 வயதிற்குட்பட்டவர்களில் இறப்பில் 25% மாரடைப்பு வழக்குகள் காணப்படுவதாக கூறியுள்ளார்.

ஒரு சராசரி ஐரோப்பியரின் கொழுப்புச் சத்து 7-8% ஆகும், அதேசமயம் இந்தியருக்கு உள்ளுறுப்பு கொழுப்புத் தன்மையின் அடிப்படையில் இது கிட்டத்தட்ட 12-23% ஆகும் என்று மும்பையில் உள்ள சர் ஹெச்என் ரிலையன்ஸ் ஃபவுண்டேஷன் மருத்துவமனையின் இருதய அறிவியல் ஆலோசகர் டாக்டர் அஜித் மேனன் தெரிவித்தார்.

 இளைஞர்களிடையே இதய நோய்களுக்கு நீரிழிவு நோய் ஒரு முக்கிய காரணமாக இருக்கலாம் என்று மருத்துவர்கள் நம்புகின்றனர். மற்ற நாடுகளுடன் ஒப்பிடும்போது இந்தியாவில் நீரிழிவு நோயாளிகள் அதிகம் இருப்பதாக கூறப்படுகிறது.