பாலியல் ரீதியான தவறான நடத்தை புகார்களைத் தொடர்ந்து, ஜவஹர்லால் நேரு பல்கலைக்கழகத்தில் (JNU) இருந்து பணிநீக்கம் செய்யப்பட்ட காங்கிரஸ் நாடாளுமன்ற உறுப்பினர் அங்கோம்சா பிமோல் அகோய்ஜாம் மீது உரிய நடவடிக்கை எடுக்கத் தவறியதற்காகக் காங்கிரஸ் கட்சியை பாஜக எம்பி பன்சூரி ஸ்வராஜ் கடுமையாகச் சாடியுள்ளார்.

புதுடெல்லியில் செய்தியாளர்களிடம் பேசிய அவர், கடந்த மே மாதம் மணிப்பூர் காங்கிரஸ் எம்.பி. பிமோல் அகோய்ஜாம் மீது ஜவஹர்லால் நேரு பல்கலைக்கழக மாணவிகள் 11 பேருக்குப் பாலியல் தொல்லை கொடுத்த குற்றச்சாட்டு எழுந்ததைச் சுட்டிக்காட்டினார். போக்சோ சட்டத்தின் கீழ் அமைக்கப்பட்ட உள்நிலைக் குழு நடத்திய தீவிர விசாரணைக்குப் பின்னரே, ஜேஎன்யு நிர்வாகம் அவரை அனைத்துப் பணிகளிலிருந்தும் உடனடியாகப் பணிநீக்கம் செய்ததாகத் தெரிவித்தார்.

இவ்வளவு கடுமையான புகாரிலும், பல்கலைக்கழகத்தின் நடவடிக்கைக்குப் பிறகும் காங்கிரஸ் கட்சியின் உயர்மட்டத் தலைமை இந்த விவகாரத்தில் மௌனம் காப்பது ஏன் என்று அவர் காரசாரமாகக் கேள்வி எழுப்பினார். மேலும், பாலியல் புகாரில் சிக்கிய எம்பி பிமோல் அகோய்ஜாம் மீது கடுமையான ஒழுங்கு நடவடிக்கை எடுத்து, அவரை உடனடியாகக் கட்சியிலிருந்து இடைநீக்கம் செய்ய வேண்டும் என மூத்த காங்கிரஸ் தலைவர் ராகுல் காந்தியை அவர் வலியுறுத்தியுள்ளார்.