பயங்கரவாதிகள், கேங்ஸ்டர்கள், நிதி மோசடி செய்தவர்கள் மற்றும் குழந்தைகளுக்கு எதிரான பாலியல் குற்றங்களில் ஈடுபட்டு வெளிநாடுகளுக்குத் தப்பி ஓடிய 274 குற்றவாளிகள், கடந்த 2019-ஆம் ஆண்டு முதல் இந்தியாவுக்குக் கொண்டு வரப்பட்டுள்ளதாக மத்திய வெளியுறவுத்துறை அமைச்சகம் தெரிவிக்கம் செய்துள்ளது.

குற்றங்களின் பின்னணி & வகைப்பாடு
கொலை மற்றும் போக்சோ குற்றங்கள்: அழைத்து வரப்பட்டவர்களில் 62 பேர் கொலை மற்றும் திருட்டுச் சம்பவங்களிலும், 53 பேர் பாலியல் தாக்குதல் மற்றும் போக்சோ (POCSO) சட்டத்தின் கீழ் குற்றம் சாட்டப்பட்டவர்கள்.

பயங்கரவாதம் & குண்டர் வலையமைப்பு: 17 பேர் பயங்கரவாதம், தேசவிரோதச் செயல்கள் மற்றும் போதைப்பொருள் கடத்தலுக்காகவும், 2 பேர் ஒழுங்கமைக்கப்பட்ட குற்றங்கள் மற்றும் மிரட்டிப் பணம் பறித்தல் வழக்குகளிலும் தேடப்பட்டவர்கள்.

பிற குற்றங்கள்: நிதி மோசடி, இணையவழிக் குற்றங்கள், ஆட்கடத்தல், கள்ள நோட்டு தயாரிப்பு மற்றும் கடத்தல் வழக்குகளில் தொடர்புடையவர்களும் இந்த பட்டியலில் அடங்குவர்.

ஆண்டுவாரியாக அழைத்து வரப்பட்டோர் எண்ணிக்கை
2019 – 2020: 2019-இல் 9 பேரும், 2020-இல் 7 பேரும் இந்தியாவுக்குக் கொண்டு வரப்பட்டனர்.

2021 – 2024: இதன் எண்ணிக்கை படிப்படியாக உயர்ந்து 2021-இல் 23, 2022-இல் 40, 2023-இல் 37 மற்றும் 2024-இல் 43 ஆக அதிகரித்தது.

2025 – 2026: 2025-ஆம் ஆண்டில் அதிகபட்சமாக 70 பேரும், 2026-ஆம் ஆண்டு ஜூலை மாத இறுதி வரை மேலும் 45 குற்றவாளிகளும் சட்டத்தின் முன் நிறுத்தப்பட இந்தியாவுக்கு அழைத்து வரப்பட்டுள்ளனர்.

ராஜதந்திர நடவடிக்கைகளும் சட்டத் திருத்தமும்
சட்டத்தின் பிடியில் இருந்து தப்ப முடியாது: வெளிநாடுகளுக்குச் சென்றுவிட்டால் இந்தியச் சட்டத்தால் பிடிக்க முடியாது என்று கருதி, பெயர்களையும் அடையாளங்களையும் மாற்றிக்கொண்டு தலைமறைவாக வாழ்ந்தவர்களுக்கு இ நடவடிக்கை பெரும் எச்சரிக்கையாக அமைந்தது.

36 நாடுகளுடன் கூட்டு நடவடிக்கை: பல்வேறு வெளிநாட்டு அரசுகளுடன் தொடர் பேச்சுவார்த்தை நடத்தியும், சட்டத்தில் உரிய திருத்தங்களை மேற்கொண்டும் மொத்தம் 36 நாடுகளில் இருந்து இக்குற்றவாளிகளை மத்திய அரசு மீட்டெடுத்துள்ளது.