தமிழ்நாடு அரசு பாடத்திட்டத்தின் கீழ் தேர்வு எழுதிய பதினோராம் வகுப்பு மாணவர்களுக்கான பொதுத்தேர்வு முடிவுகள் வெளியாகி உள்ளது. மாணவர்கள் தங்களுடைய தேர்வு முடிவுகளை resultsdigilocker.gov.in , tnresults.nic.in மற்றும் dge.tn.gov.in என்ற இணையதளம் மூலம் தெரிந்து கொள்ளலாம் என அறிவிக்கப்பட்டுள்ளது. 11ம் வகுப்பு பொதுத்தேர்வில் தமிழ்நாட்டில் 91.17% சதவிகிதம் பேர் தேர்ச்சி பெற்றுள்ளனர். 

இந்தாண்டு மாணவர்களை விட மாணவிகள் 7.43% சதவிகிதம் அதிக தேர்ச்சி பெற்றுள்ளனர். 94.69% மாணவிகளும், 87.26% மாணவர்களும் தேர்ச்சி பெற்றுள்ளனர். தமிழ்நாடு முழுவதும் உள்ள 38 மாவட்டங்களில் 96.02% பேர் தேர்ச்சி பெற்று கோவை மாவட்டம் முதலிடம் பிடித்துள்ளது. அடுத்தபடியாக 95.56% பேர் தேர்ச்சி பெற்று ஈரோடு மாவட்டம் 2-வது இடமும், 95.23% பேர் தேர்ச்சி பெற்று திருப்பூர் மாவட்டம் 3-வது இடமும் பிடித்துள்ளது.

பாடம் வாரியான தேர்ச்சி சதவிகிதம்:

இயற்பியல் - 97.23%

வேதியியல் -96.20%

உயிரியல் -98.25%

கணிதம் -97.21%

தாவரவியல் -91.88%

விலங்கியல் -96.40%

கணினி அறிவியல் - 99.39% 

வணிகவியல் - 92.45% 

கணக்குப் பதிவியல் - 95.22%

வணிகவியல் - 86.93%

கலைப் பிரிவுகள்- 72.89%

தொழிற்பாடப் பிரிவுகள் - 78.72%

மேலும் 11-ம் வகுப்பு பொதுத்தேர்வில் 91.27% மாற்றுத்திறனாளி மாணவர்கள் தேர்ச்சி‌ பெற்றுள்ளனர். தேர்வெழுதிய 8,221 மாற்றுத் திறனாளி மாணாவர்களில் 7,504 பேர் தேர்ச்சி அடைந்துள்ளனர்‌. அதேபோன்று தமிழ்நாட்டில் 90.90% சிறைவாசிகள் தேர்ச்சி பெற்றுள்ளனர்.11-ம் வகுப்பு பொதுத் தேர்வெழுதிய 187 சிறைவாசிகளில் 170 பேர் தேர்ச்சி அடைந்துள்ளனர்.