தமிழ் சினிமா ரசிகர்களின் நீண்ட நாட்களான காத்திருப்புக்கு முடிவு கிட்டியுள்ளது.சிம்புவும் இயக்குநர் வெற்றிமாறனும் முதல் முறையாக இணையும் படத்தின் பெயர் இன்று வெளியாகியுள்ளது.

இந்தப் படத்தை முன்னணி தயாரிப்பாளர் கலைப்புலி எஸ். தாணு தயாரித்திருக்கிறார்.பல மாதங்களாக படத்தின் தலைப்பு பற்றி ரசிகர்கள் ஆர்வமாக காத்திருந்த நிலையில்,இன்று ஃபர்ஸ்ட் லுக் போஸ்டருடன் படத்தின் பெயர் அறிவிக்கப்பட்டது.படத்துக்கு ‘அரசன்’ என்று பெயரிடப்பட்டுள்ளது.

போஸ்டரில்,80களின் காலத்தைக் குறிக்கும் கெட்டப்பில்,கையில் அரிவாளுடன் நின்று கொண்டிருக்கும் சிம்புவின் லுக்
பெரிய சர்ச்சையை ஏற்படுத்தியுள்ளது.ரசிகர்கள் இந்த கெட்டப்பைப் பார்த்தவுடன்,படம் பெரும் மாஸ் காட்சிகளால் நிரம்பியிருக்கும் என்பது பற்றி பெரிய எதிர்பார்ப்பு உருவாகியுள்ளது.

வெற்றிமாறன் இதுவரை மொத்தம் ஏழு படங்களையே இயக்கி உயர்ந்த பாராட்டுகளைப் பெற்றுள்ளார்.அவரது முன்னைய படங்களில் மூன்று படங்களில் தனுஷ் நடித்திருந்தார்.ஆனால் தனுஷுக்கு போட்டியாகக் கருதப்படும் சிம்புவுடன் இதுவரை இணைந்ததில்லை.
உண்மையில், ‘வடசென்னை’ படத்தில் முதலில் சிம்புவே ஹீரோவாக நடிக்க வேண்டியிருந்தார்.ஆனால் சில காரணங்களால் அது நடைமுறைக்கு வரவில்லை.

அந்த காத்திருப்பு இப்போது ‘அரசன்’ மூலம் நிறைவேறியிருக்கிறது.படம் ‘வடசென்னை’ யுனிவர்ஸில் வரும் ஒரு புதிய கதை என்று வெற்றிமாறன் தெளிவுபடுத்தியுள்ளார்.இதனால் ரசிகர்களின் ஆர்வம் இன்னும் அதிகரித்துள்ளது.

சமீபத்தில் படத்துக்கான ப்ரோமோ ஷூட்டிங் நடைபெற்றது.அப்போது இயக்குநர் நெல்சன் திலீப்குமார் சிம்புவுடன் ஸ்பாட்டில் இருந்தது கவனத்தை ஏற்படுத்தியது.அவர் படத்தில் ஓர் முக்கிய பாத்திரத்தில் நடிப்பாரோ என்ற கேள்வியும் ரசிகர்களிடம் எழுந்துள்ளது.

‘அரசன்’ ஃபர்ஸ்ட் லுக் போஸ்டர் வெளியான தொடக்கம் முதல்,ரசிகர்கள் சமூக வலைதளங்களில்“இந்த கூட்டணி மாபெரும் வெற்றியைத் தரும்…இது இன்டஸ்ட்ரி ஹிட் ஆகும்!”என்று ஆர்வமாக பேசிவருகிறார்கள்.தமிழ் சினிமாவின் மிகவும் எதிர்பார்க்கப்படும் படங்களில் ஒன்றாக ‘அரசன்’ விரைவில் வெளியிடப்படவுள்ளது.