பகத் பாசில் நடித்த "ஓடும் குதிரை சாடும் குதிரை" படத்தின் டிரைலர் வெளியீடு....!

தென்னிந்திய திரையுலகில் முன்னணி நடிகராக தற்போது வித்தியாசமான கதைகளில் தனது திறமையைக் காட்டி நடித்து வருபவர் ''பகத் பாசில்''. இவர் மலையாள படங்களின் மூலம் திரை உலகிற்கு அறிமுகமானார். இவர் தற்போது தமிழ், தெலுங்கு உள்ளிட்ட மொழிகளிலும் சிறந்து நடித்து வருகிறார்.

இவர் தற்போது மலையாளத்தில் 'ஓடும் குதிரை சாடும் குதிரை' என்ற படத்தில் நடித்து முடித்துள்ளார். இப்படத்தை 'அல்தாப் சலீம்' இயக்கி,ஆஷிக் உஸ்மான் புரொடக்சன்ஸ் தயாரித்துள்ளது.

இதில் பகத்-க்கு ஜோடியாக கல்யாணி பிரியதர்ஷன் நடித்துள்ளார். கூடுதலாக இளம் நடிகை ரேவதி பிள்ளை முக்கிய கதாபாத்திரத்தில் நடித்திருக்கிறார்.

இப்படத்தின் பர்ஸ்ட் லுக் போஸ்டர் சமீபத்தில் வெளியாகி வைரலானது.இப்படம் வருகிற 29ந் தேதி திரையரங்குகளில் வெளியாக தாயாராக இருக்கிறது.இந்த நிலையில், இப்படத்தின் டிரெய்லர் தற்போது வெளியாகியுள்ளது.