தென்னிந்தியாவிலிருந்து பாலிவுட் வரை தனது திறமையால் ரசிகர்களின் இதயங்களை கவர்ந்த நடிகை ஸ்ரீதேவி, இந்திய சினிமாவின் ஒப்பற்ற நட்சத்திரங்களில் ஒருவராக திகழ்ந்தவர். குழந்தை நட்சத்திரமாக அறிமுகமான அவர், பின்னர் தமிழ், தெலுங்கு, மலையாளம், இந்தி என நான்கு மொழிகளிலும் சூப்பர் ஹிட் படங்களை வழங்கி பான்-இந்தியா நிலையை அடைந்தார்.

இன்று அவர் வாழ்ந்த வாழ்க்கையின் ஒவ்வொரு நிகழ்வும் ரசிகர்களிடையே இன்னமும் பேசப்படும் ஒரு வரலாறாகவே உள்ளது. ஆனால் பலருக்கும் தெரியாத ஒரு வித்தியாசமான தகவல் என்னவென்றால் — ஸ்ரீதேவி தனது 13-வது வயதிலேயே சூப்பர் ஸ்டார் ரஜினிகாந்தின் அம்மாவாக நடித்திருக்கிறார்!

தமிழ்நாட்டைச் சேர்ந்த ஸ்ரீதேவி, மிகக் குறைந்த வயதிலேயே சினிமாவுக்கு அறிமுகமானார்.எம்.ஜி.ஆர் உள்ளிட்ட முன்னணி நட்சத்திரங்களுடன் சிறுவயதில் நடித்தார்.பின்னர் கே. பாலசந்தர் இயக்கிய “மூன்று முடிச்சு” திரைப்படம், அவரை ஹீரோயினாக அறிமுகப்படுத்திய முக்கிய படம் ஆனது.

இந்தப் படம் வெளியான போது ஸ்ரீதேவிக்கு வெறும் 13 வயது தான்.அந்தப் படத்தில் கமல்ஹாசனும், ரஜினிகாந்தும் முக்கிய கதாபாத்திரங்களில் நடித்திருந்தனர்.

மூன்று முடிச்சு என்பது தெலுங்கு படத்தின் ரீமேக் என்றாலும்,கே. பாலசந்தர் அவருடைய ஸ்டைலில் புதிய திருப்பங்களுடன் உருவாக்கியிருந்தார்.படத்தில், கமல்ஹாசன் மற்றும் ஸ்ரீதேவி காதலர்களாக வரும் போது,ரஜினிகாந்த் ஸ்ரீதேவியிடம் ஒரு பக்கம் காதலாக மாறுகிறார்.

ஒரு காட்சியில், மூவரும் படகில் செல்வது காணப்படும்.அந்த வேளையில் கமல் ஆற்றில் விழ, நீச்சல் தெரிந்த ரஜினி காப்பாற்ற மறுக்கிறார்.இதனால் கமல் உயிரிழந்துவிடுகிறார்.அவரின் மரணத்தை ஒரு வாய்ப்பாக கருதி ஸ்ரீதேவியை திருமணம் செய்ய முயல்வார் ரஜினி.ஆனால் ஸ்ரீதேவி அதை மறுத்துவிடுகிறார்.

ரஜினியின் தந்தையாக தென்னிந்திய முன்னணி நடிகர் விஸ்வநாதன் நடித்திருந்தார்.அவரை திருமணம் செய்வதன் மூலம் ஸ்ரீதேவி, ரஜினிக்கே “அம்மா” ஆக மாறும் கதை திருப்பம் —அந்தக் காலத்தில் சினிமா ரசிகர்களை அதிர்ச்சியில் ஆழ்த்தியது.

அப்போது ரஜினிகாந்தின் வயது 31;அவருக்கே 13 வயது சிறுமி அம்மாவாக நடிப்பது என்பது அசாதாரணமான விஷயம் தான்.

ஸ்ரீதேவியின் அந்த காலத்திலேயே வெளிப்பட்ட நடிப்பு திறமை,அவரை விரைவில் ஹீரோயினாக உயர்த்தியது.அடுத்தடுத்து ஜானி, குரு, பூபதி ராஜா, பதினாறு வயதினிலே போன்ற ஹிட் படங்கள் வந்தன.

பின்னர் தெலுங்கு, மலையாளம், பின்னர் பாலிவுட் வரை வெற்றி தொடர் நீடித்து,அவர் இந்திய சினிமாவின் முதன்மை நாயகி ஆனார்.தனது உச்சநிலையிலும் சவாலான கதாபாத்திரங்களைத் தேர்ந்தெடுத்த ஸ்ரீதேவி,2018 ஆம் ஆண்டு திடீரென உயிரிழந்தது ரசிகர்களுக்கு மிகப் பெரிய அதிர்ச்சியாக மாறியது.

இன்றும், 13 வயதிலேயே ரஜினிக்கே அம்மாவாக நடித்த அந்தச் சிறுமி,பின்னர் இந்திய சினிமாவின் சின்னமாக மாறிய விதம்திரை வரலாற்றில் ஒரு அதிசயமாக நினைவில் நிற்கிறது.