விருதுநகர் மாவட்டம் ராஜபாளையத்தைச் சேர்ந்த நடிகர் முத்துக்காளை, சிறுவயதிலிருந்தே திரையுலகின் மீது கொண்டிருந்த பேரார்வத்தால் இளம் பருவத்திலேயே சென்னை நகரை நோக்கி பயணித்ததாக தெரிவிக்கப்பட்டுள்ளது. 18 வயதிலேயே கராத்தே கலையில் பிளாக் பெல்ட் பெற்ற அவர், திரைப்பட உலகில் சண்டைக் கலை நிபுணராக தனது பயணத்தை தொடங்கினார்.

இதன் காரணமாக கல்விப் பயணத்தை தொடர்ந்து மேற்கொள்ள முடியாத நிலை ஏற்பட்டதாக தெரிவிக்கப்பட்டுள்ளது.பின்னர் நகைச்சுவை கதாபாத்திரங்களில் தனித்துவமான நடிப்பை வெளிப்படுத்தி ரசிகர்கள் மத்தியில் தனக்கென ஒரு அடையாளத்தை உருவாக்கினார். எனினும், ஒரு கட்டத்தில் மதுப் பழக்கத்திற்கு அடிமையான வாழ்க்கை அவரை கடுமையாக பாதித்ததாக தெரிவிக்கப்பட்டுள்ளது.

அதன்பிறகு மன உறுதியுடன் அந்த பழக்கத்திலிருந்து மீண்டு வந்த முத்துக்காளை, தனது கவனத்தை கல்வி நோக்கி திருப்பியுள்ளார். தமிழ்நாடு திறந்தநிலை பல்கலைக்கழகத்தில் சேர்ந்த அவர், விடாமுயற்சியுடன் படிப்பை தொடர்ந்து சமீபத்தில் இளங்கலை தமிழ் இலக்கியப் படிப்பில் முதல் வகுப்பில் தேர்ச்சி பெற்று சாதனை படைத்ததாக தெரிவிக்கப்பட்டுள்ளது.

ஏற்கனவே அவர் 2017-ஆம் ஆண்டு இளங்கலை வரலாறு பட்டமும், 2019-ஆம் ஆண்டு தமிழில் முதுகலைப் பட்டமும் பெற்றிருந்தார். தற்போது 58-வது வயதில் மூன்றாவது பட்டத்தை வெற்றிகரமாக பெற்றதன் மூலம் பலருக்கும் முன்மாதிரியாக திகழ்ந்து வருவதாக தெரிவிக்கப்பட்டுள்ளது.மதுப் பழக்கத்தின் பிடியிலிருந்து மீண்டு வந்து கல்வியை தனது வாழ்வின் புதிய அடித்தளமாக மாற்றிய முத்துக்காளைக்கு அண்மைக்காலமாக திரையுலகில் பெரிய வாய்ப்புகள் கிடைக்கவில்லை என தெரிவிக்கப்பட்டுள்ளது.

இந்நிலையில், தனது மனைவியின் உயிரைக் காப்பாற்ற உதவிடுமாறு தமிழக முதல்-அமைச்சர் விஜயிடம் நடிகர் முத்துக்காளை உருக்கமான கோரிக்கை முன்வைத்துள்ளார்.இதுதொடர்பாக அவர் வெளியிட்டுள்ள காணொளி பதிவில், “என் மனைவி மாலதி, வயது 47. அவருக்கு தலையில் ஏற்பட்ட ரத்தக்கசிவு காரணமாக சென்னை கீழ்ப்பாக்கம் கே.எம்.சி. மருத்துவமனையில் அறுவை சிகிச்சை மேற்கொள்ளப்பட்டது.

அறுவை சிகிச்சை முடிந்து 17 நாட்கள் கடந்துள்ளன.ஆனால் அறுவை சிகிச்சைக்குப் பிறகு ஏற்பட்ட நுரையீரல் தொற்று மற்றும் உடல்நல பாதிப்புகளால் என் மனைவி சுவாசிக்க மிகவும் சிரமப்படுகிறார்.

இந்த சூழலில் தமிழக முதல்-அமைச்சர் ஜோசப் விஜய் சார், மேல்சிகிச்சைக்காக பரிந்துரை செய்து என் மனைவியின் உயிரைக் காப்பாற்ற உதவ வேண்டும் என தாழ்மையுடன் கோரிக்கை விடுக்கிறேன்.கடந்த 17 நாட்களாக தனிமனிதனாக பல போராட்டங்களை சந்தித்து வருகிறேன்.

இந்த கடினமான நேரத்தில் முதல்-அமைச்சர் ஜோசப் விஜய் சார் உதவி செய்தால் வாழ்நாள் முழுவதும் நன்றியுடன் இருப்பேன்” என்று கண்கலங்கியபடி பேசியுள்ளதாக தெரிவிக்கப்பட்டுள்ளது.இந்த காணொளி தற்போது முதல்-அமைச்சர் விஜயின் கவனத்திற்கு கொண்டு செல்லப்பட்டுள்ளதாகவும் தெரிவிக்கப்பட்டுள்ளது.