உலகநாயகன் கமல் ஹாசன் மற்றும் சூப்பர் ஸ்டார் ரஜினிகாந்த் இணையும் புதிய திரைப்பட அறிவிப்பு வெளியான தருணத்திலிருந்தே, திரையுலகிலும் ரசிகர் மத்தியிலும் எதிர்பார்ப்பு உச்சத்தை எட்டியுள்ளது.நெல்சன் திலீப்குமார் இயக்கத்தில், இந்த பிரம்மாண்ட படைப்பில் முக்கிய கதாபாத்திரத்தில் ஸ்ருதி ஹாசன் நடிக்கவிருப்பதாக கடந்த சில நாட்களாக சமூக வலைதளங்களில் பரபரப்பான தகவல்கள் பரவி வந்தன.

இந்த தகவல் ரசிகர்களிடையே பெரும் ஆவலை உருவாக்கியது.ஆனால் தற்போது, இந்த வதந்திகளுக்கு ஸ்ருதி ஹாசன் தானே முற்றுப்புள்ளி வைத்துள்ளார்.சமீபத்திய பேட்டியில் இதுகுறித்து பேசிய அவர், “இந்த திரைப்படத்தில் நான் நடிக்கவில்லை” என்று வெளிப்படையாக தெரிவித்துள்ளார்.

அதேசமயம், “மற்ற ரசிகர்களைப் போலவே நானும் இந்த திரைப்படத்திற்காக மிகுந்த ஆவலுடன் காத்திருக்கிறேன். நெல்சன் இந்த மாபெரும் கூட்டணிக்காக எப்படிப்பட்ட கதைக்களத்தை உருவாக்கியிருக்கிறார் என்பதை பார்க்க ஆர்வமாக இருக்கிறது” என்றும் கூறியுள்ளார்.மேலும், லோகேஷ் கனகராஜ் இயக்கத்தில் வெளியான கூலி திரைப்படத்தில் நடித்த அனுபவத்தையும் பகிர்ந்துள்ளார்.

அதில், “நான் எப்போதுமே என் அப்பாவின் மிகப்பெரிய ரசிகை. ஆனால் கூலி படத்தில் ரஜினி சாருடன் இணைந்து பணியாற்றிய பிறகு, அவரது எளிமை, அன்பு மற்றும் தனித்துவமான ஆளுமை காரணமாக அவருடைய தீவிர ரசிகையாக மாறிவிட்டேன்” என்று நெகிழ்ச்சியுடன் தெரிவித்துள்ளார்.

அண்மையில் கமல் ஹாசன் மற்றும் ரஜினிகாந்த் இருவரையும் நேரில் சந்தித்த அனுபவத்தையும் பகிர்ந்த அவர், “அவர்கள் இருவரும் இந்திய திரைத்துறையின் அரிய பொக்கிஷங்கள். அவர்களை மீண்டும் ஒரே திரையில் காண்பது ரசிகர்களுக்கு மிகப்பெரிய கொண்டாட்டமாக இருக்கும்” என தெரிவித்துள்ளார்.இந்த பேட்டி, புதிய திரைப்படத்தின் மீதான எதிர்பார்ப்பை ரசிகர்களிடையே மேலும் அதிகரித்துள்ளது.