இயக்குநர் ''சுதா கொங்கரா'' இயக்கத்தில் 'பராசக்தி' என்ற படத்தில் தமிழ் திரையுலகின் முன்னணி நடிகரான ''சிவகார்த்திகேயன்'' தற்போது நடித்து வருகிறார். இப்படத்தில் அதர்வா, ஸ்ரீலீலா, ரவி மோகன் மற்றும் பாசில் ஜோசப் ஆகியோர் நடித்து வரும் இப்படம் அடுத்த ஆண்டு பொங்கலுக்கு வெளியாகும் என எதிர்பார்க்கப்படுகிறது.

இதற்கு முன்பு பிரபல இயக்குனர் ஏ.ஆர்.முருகதாஸ் இயக்கத்தில் சிவகார்த்திகேயனின் 'மதராஸி' திரைப்படம் வெளியாக இருக்கிறது. இதில் ருக்மிணி வசந்த், பிஜு மேனன், டான்சிங் ரோஸ் சபீர்,விக்ராந்த், வித்யூத் ஜம்வால் ஆகியோர் நடித்துள்ளனர்.

பிரபல இசையமைப்பாளர் அனிருத் இசையமைத்திருக்கும் இப்படம் வருகிற செப்டம்பர் 5-ம் தேதி திரையரங்குகளில் வெளியாகும் என படக்குழு அதிகாரபூர்வமாக அறிவித்துள்ளது.

இது கஜினி படம் போன்ற திரை கதையையும், துப்பாக்கி படத்தின் ஆக்சனையும் சேர்த்து கதைக்களமாக கொண்டு படமாக்கப்பட்டுள்ளதாக படத்தின் இயக்குனர் ஏ.ஆர். முருதாஸ் தெரிவித்திருந்தார்.

இதன் காரணமாக ரசிகர்களிடையே இந்த படம் பெரும் எதிர்ப்பார்ப்பை ஏற்படுத்தியுள்ளது. இதில் சில வாரங்களுக்கு முன் படத்தின் ஃபர்ஸ்ட் சிங்கிளான 'சலமபல' பாடல் வெளியாகி வைரலானது.இந்நிலையில் படத்தின் ப்ரோமோஷன் பணிகளை படக்குழு தொடங்கியுள்ளது. அவ்வகையில் படத்தின் ஆக்ஷன் காட்சிகளின் BTS-ஐ படக்குழு தற்போது வெளியிட்டுள்ளது