பெட்ரோல் விலை தினந்தோறும் உயர்ந்து வரும் நிலையில், குறைந்த செலவில் அதிக தூரம் பயணிக்கக் கூடிய எலக்ட்ரிக் வாகனங்களுக்கான தேவை வேகமாக அதிகரித்து வருகிறது. இதனைப் பயன்படுத்திக் கொண்டு இந்திய ஸ்டார்ட்அப் நிறுவனம் Oben Electric அறிமுகப்படுத்தியுள்ள “Oben Roar” எனும் புதிய எலக்ட்ரிக் பைக் தற்போது வாகன சந்தையில் பெரும் வரவேற்பைப் பெற்றுள்ளது.

Oben Roar பைக்கில் 4.4 kWh LFP (Lithium Ferro Phosphate) பேட்டரி பொருத்தப்பட்டுள்ளது.இந்த பேட்டரி ஒருமுறை முழுமையாக சார்ஜ் செய்தால் அதிகபட்சம் 187 கிலோமீட்டர் வரை பயணிக்க உதவுகிறது.

சாதாரண வீட்டிலுள்ள மின் இணைப்பைப் பயன்படுத்தி 0% முதல் 80% வரை வெறும் 2 மணி நேரத்தில் சார்ஜ் செய்ய முடியும்.
இதன் அதிகபட்ச வேகம் மணிக்கு 100 கிமீ,அதிலும் 0 முதல் 40 கிமீ வேகத்தை வெறும் 3 விநாடிகளில் எட்டிவிடும் திறன் கொண்டது.

இந்த பைக்கில் 10 கிலோவாட் (13.4 ஹெச்பி) திறன் கொண்ட மிட்-டிரைவ் மோட்டார் பயன்படுத்தப்பட்டுள்ளது.
அதன் டார்க் திறன் அதிகமாக இருப்பதால், வேகமான பிக்கப் மற்றும் மென்மையான ரைடிங் அனுபவத்தை தருகிறது.

இப்பைக்கில் Eco, City, Havoc என மூன்று ரைடிங் மோடுகள் வழங்கப்பட்டுள்ளன.

Eco Mode – அதிக மைலேஜ் பெற உதவுகிறது

City Mode – தினசரி நகரப் பயணத்திற்கேற்ப செயல்படுகிறது

Havoc Mode – பைக்கின் முழு சக்தியையும் வெளிப்படுத்தும் ஸ்போர்ட் அனுபவம் தருகிறது

Oben Roar பைக்கின் வடிவமைப்பு முழுமையாக ஸ்டைலிஷ், ஸ்போர்ட்டி, மற்றும் ஏரோடைனமிக் தோற்றத்தில் வடிவமைக்கப்பட்டுள்ளது.
பைக்கில் முழுமையான LED ஹெட்லைட் மற்றும் டெயில் லைட்,ஸ்மார்ட்போன் கனெக்டிவிட்டி, நெவிகேஷன் சிஸ்டம்,டிஜிட்டல் டிஸ்பிளே உள்ளிட்ட நவீன வசதிகள் வழங்கப்பட்டுள்ளன.

பாதுகாப்பு அம்சங்களில் முன் மற்றும் பின்புற டிஸ்க் பிரேக் வசதியுடன்CBS (Combined Braking System) இணைக்கப்பட்டுள்ளது.

மேலும் பேட்டரி மற்றும் மோட்டாருக்கு 3 ஆண்டு அல்லது 50,000 கிமீ வரை வாரண்டி வழங்கப்படுகிறது.இதனால் நீண்டகாலம் பராமரிப்பு குறைந்த செலவில் சாத்தியமாகிறது.

Oben Roar பைக்கின் ஆரம்ப விலை சுமார் ரூ.1.50 லட்சம் (எக்ஸ்-ஷோரூம்) ஆகும்.தற்போது நிறுவனத்தால் அதிகபட்சம் ரூ.30,000 வரை சிறப்பு தள்ளுபடி வழங்கப்படுகிறது.

இப்பைக்கின் மின்சார செலவு மிகக் குறைவு –1 கிமீக்கு வெறும் 25–35 பைசா மட்டுமே ஆகும்.அதாவது தினசரி 20 கிமீ பயணம் செய்தாலும்,மாதம் முழுவதும் வெறும் ரூ.150 செலவில் பயணம் முடியும்.

Oben Roar பைக் தனது நீண்ட மைலேஜ், குறைந்த பராமரிப்பு செலவு, மற்றும் நவீன வடிவமைப்புடன்இந்திய இளைஞர்களின் புதிய விருப்பமாக மாறியுள்ளது.

மாதம் ரூ.150 செலவில் 187 கிமீ வரை பயணம் செய்யும் திறனும்,ரூ.30,000 வரை தள்ளுபடியும் வழங்கப்படுவதால்,இந்த Oben Roar பைக் பெட்ரோல் பைக்குகளுக்கே நேரடியான சவாலாக உருவாகியுள்ளது.