ஹூண்டாய் நிறுவனம் தனது பிரபலமான சப்-காம்பேக்ட் எஸ்யூவி மாடலான வென்யூவின் இரண்டாம் தலைமுறை பதிப்பை இந்தியாவில் அதிகாரப்பூர்வமாக அறிமுகப்படுத்தியுள்ளது.

முன்பை விட நீளமாகவும், அகலமாகவும், உயரமாகவும் மேம்படுத்தப்பட்டுள்ள புதிய வென்யூ —
“பேபி கிரெட்டா” என ரசிகர்கள் செல்லமாக அழைக்கும் இந்த கார், இப்போது மேலும் ப்ரீமியமான தோற்றத்துடனும் நவீன வசதிகளுடனும் களமிறங்கியுள்ளது.

புதிய இரண்டாம் தலைமுறை வென்யூவின் முகப்புப் பகுதி முழுமையாக மாற்றப்பட்டிருக்கிறது.
குவாடு பீம் LED ஹெட்லாம்புகள், ட்வின் ஹார்ன் DRL-கள், மற்றும் டார்க் குரோம் கிரில் — இவை காருக்கு ஒரு திமிரான, மஸ்குலர் லுக் கொடுக்கின்றன.

C-பில்லரில் புதிய சிக்னேச்சர் டிசைன், பிரிட்ஜ் வகை ரூஃப் ரெயில்கள், மற்றும் ஹரிசான்-ஸ்டைல் கனெக்டட் LED டெயில் லாம்புகள் காரின் பின்பக்கத்துக்கு ஒரு ப்ரீமியம் SUV லுக் சேர்த்துள்ளன.

மொத்தத்தில், “சப்-காம்பேக்ட் எஸ்யூவி” என்ற பெயர் கூட சிறியதாகவே தோன்றும் —
இந்த வென்யூ, நேரடியாக காம்பேக்ட் எஸ்யூவிகளுக்கு போட்டியாக தயாராகி இருக்கிறது.

ஹூண்டாய், முதல் தலைமுறை வென்யூவின் உட்புறத்தை முற்றிலும் மறந்துவிட்டு,
இரண்டாம் தலைமுறையில் புதிய டூயல் டோன் டிசைன் கொண்ட கேபினை உருவாக்கியுள்ளது.

டார்க் நேவி மற்றும் டவ் கிரே நிறங்களின் கலவையில், இரண்டு 12.3-இன்ச் டிஸ்பிளேக்கள் கர்வாக இணைக்கப்பட்டுள்ளன —
ஒன்று இன்ஃபோடெயின்மென்ட் சிஸ்டம், மற்றொன்று டிஜிட்டல் இன்ஸ்ட்ரூமென்ட் கிளஸ்டர்.

மூன் ஒயிட் ஆம்பியன்ட் லைட்டிங், D-கட் ஸ்டீயரிங், டூயல் டோன் லெதர் சீட்கள் மற்றும் “வென்யூ” பிராண்டிங் —
இவை அனைத்தும் காரின் உள்ளகத்தை ஒரு லக்சுரி லவுஞ்ச் போல மாற்றியுள்ளன.

மேலும், 20 மில்லிமீட்டர் நீளமான வீல்பேஸ் காரணமாக, பின்பக்க இருக்கையில் கூடுதல் லெக்ரூம் மற்றும் ரெக்லைனிங் வசதியும் வழங்கப்பட்டுள்ளது.

மெக்கானிக்கல் மாற்றங்கள் எதுவும் இல்லையென்றாலும், இன்ஜின் ஆப்ஷன்கள் மாறாமல் பின்வருமாறு உள்ளன:

1.2 லிட்டர் நேச்சுரல் ஆஸ்பிரேட்டட் பெட்ரோல்

1.0 லிட்டர் டர்போ பெட்ரோல்

1.5 லிட்டர் டீசல்

இதனுடன் மேனுவல், iMT, ஆட்டோமேட்டிக், மற்றும் DCT ஆட்டோமேட்டிக் கியர்பாக்ஸ் தேர்வுகளும் கொடுக்கப்பட்டுள்ளன.

புதிய தலைமுறை வென்யூ மாடல் எட்டு வேரியன்ட்களில் அறிமுகமாகியுள்ளது —
HX 2, HX 4, HX 5, HX 6, HX 6T, HX 7, HX 8, மற்றும் HX 10.பெயர் வடிவம் எளிமையாகவும், வேறுபடுத்திப் பார்க்கும் வகையிலும் வடிவமைக்கப்பட்டுள்ளது.

புதிய மாடல் பல புதிய நிறங்களில் வந்துள்ளது —முன்னர் இருந்த Atlas White, Titan Grey, Dragon Red, Abyss Black நிறங்களுடன்,இப்போது Hazel Blue, Mystic Sapphire போன்ற புதிய மோனோடோன் நிறங்களும் சேர்க்கப்பட்டுள்ளன.மேலும், Hazel Blue with Abyss Black Roof என்ற டூயல் டோன் கலரையும் ஹூண்டாய் அறிமுகப்படுத்தியுள்ளது.

இந்த இரண்டாம் தலைமுறை வென்யூவை தற்போது ரூ.25,000 முன்பணம் செலுத்தி,ஹூண்டாய் டீலர்ஷிப் மையங்கள் அல்லது இணையதளம் மூலமாக முன்பதிவு செய்யலாம்.புதிய வென்யூவின் அதிகாரப்பூர்வ விலை அறிவிப்பு நவம்பர் 4-ஆம் தேதி வெளியாகும் என்று ஹூண்டாய் தெரிவித்துள்ளது.

ஹூண்டாயின் புதிய வென்யூ, ப்ரீமியம் லுக், உயர் தர உட்புறம், மற்றும் வசதிகளில்“சப்-காம்பேக்ட் எஸ்யூவி மார்க்கெட்டில் மீண்டும் அதிரடி காட்டப் போகும்” என கூறலாம்.