இந்தியாவின் பிரபல SUV தயாரிப்பாளரான JSW MG Motors, தனது முன்னணி மாடலான MG ஹெக்டர் விற்பனையை அதிகரிக்க புதிய விளம்பர பிரச்சாரத்தை தொடங்கியுள்ளது. ‘மிட்நைட் கார்னிவல்’ எனப்படும் இந்த பிரச்சாரம், வாடிக்கையாளர்களுக்கு MG ஹெக்டர் வாங்கும் அனுபவத்தை மறக்கமுடியாததாக மாற்றும் வகையில் வடிவமைக்கப்பட்டுள்ளது.

இந்த பிரச்சாரத்தின் முக்கிய அம்சமாக, MG ஹெக்டர் வாங்கும் வாடிக்கையாளர்களில் 20 அதிர்ஷ்டசாலிகள் தேர்வு செய்யப்பட்டு, அவர்கள் லண்டனுக்கு இலவச சுற்றுலா செல்லும் வாய்ப்பைப் பெறவுள்ளனர். இது மட்டுமல்லாமல், வாடிக்கையாளர்கள் ரூ.4 லட்சம் வரை மதிப்புள்ள பலவகை சலுகைகளையும் பெற்றுக்கொள்ள முடியும்.

இதனைத் தொடர்ந்து, ஹெக்டர் வாகனத்தில்:

• 3 ஆண்டுகளுக்கான ஸ்டாண்டர்ட் உத்தரவாதம்

• கூடுதலாக 2 ஆண்டு / 1 லட்சம் கி.மீ நீட்டிக்கப்பட்ட உத்தரவாதம்

• 2 ஆண்டுகள் சாலையோர உதவி சேவையும் வழங்கப்படுகிறது.

மேலும், 50% வரை RTO செலவின தள்ளுபடியும், தற்போதைய ஹெக்டர் வாடிக்கையாளர்களுக்கு MG அசல் துணைக்கருவிகள் மற்றும் சிறப்பு சலுகைகளும் வழங்கப்படுகின்றன.

இந்த பிரச்சாரத்தைப்பற்றிக் கருத்து தெரிவித்த JSW MG மோட்டார் இந்தியா விற்பனைத் தலைவர் ராகேஷ் சென்,

“MG ஹெக்டர் எப்போதும் SUV பிரியர்களுக்கு விருப்பமான தேர்வாக இருந்து வருகிறது. ‘மிட்நைட் கார்னிவல்’ அதன் தனித்துவமான கொண்டாட்டமாகும். மறக்கமுடியாத சலுகைகளுடன், வாடிக்கையாளர்களுக்கு எங்கள் சார்பாக ஒரு நன்றி தெரிவிப்பாக இது அமையும்,” எனத் தெரிவித்துள்ளார்.

MG ஹெக்டர் 2019-ஆம் ஆண்டு இந்தியாவின் முதல் இணைய SUV ஆக அறிமுகமானது. தற்போது அது:

• 14-இன்ச் HD இன்ஃபோடெயின்மென்ட் டிஸ்ப்ளே

• இரட்டைப் பலகை பனோராமிக் சன்ரூஃப்

• 70-க்கும் மேற்பட்ட இணைக்கப்பட்ட கார் அம்சங்கள்

• மேம்பட்ட ADAS பாதுகாப்பு அம்சங்கள் உள்ளிட்ட பல வசதிகளை கொண்டுள்ளது.

இந்த சலுகை குறுகிய காலத்திற்கு மட்டுமே செல்லுபடியாக உள்ளதால், MG ஹெக்டர் வாங்க விரும்பும் வாடிக்கையாளர்கள் அருகிலுள்ள MG ஷோரூம்களைக் தொடர்புகொண்டு விரைவில் பயனடையலாம்.