இந்தியாவில் மின்சார இருசக்கர வாகன சந்தை வேகமாக வளர்ந்து வரும் நிலையில், பெண்கள் பயன்படுத்தத்தக்க எடை குறைந்த, ஸ்டைலான மற்றும் பட்ஜெட்டுக்குள் கிடைக்கும் எலக்ட்ரிக் ஸ்கூட்டர்களுக்கு பெருமளவில் தேவை அதிகரித்துள்ளது. நகரப் பயணத்திற்கு எளிதாக கையாளக்கூடிய இந்த மாடல்கள், குறைந்த எடையும், நன்றான ரேஞ்சும், தினசரி பயன்பாட்டுக்கு ஏற்ப அம்சங்களும் கொண்டவை.

Zelio Little Gracie இந்த பட்டியலில் முதன்மைக் கவனத்தை பெறுகிறது.
வெறும் 80 கிலோ எடை கொண்ட இந்த மாடல், பெண்கள் நெரிசலிலும் நிம்மதியாக ஓட்டக்கூடிய வகையில் வடிவமைக்கப்பட்டுள்ளது. ஒரு சார்ஜில் 60–90 கிமீ வரை பயணிக்கும் இது, சென்டர் லாக், USB சார்ஜிங் வசதி மற்றும் லைசென்ஸ் தேவையில்லாத மாடல் என்பதால், பெண்களுக்கு மிகவும் ஏற்றதாக உள்ளது. விலை ரூ.55,000 – 60,000.

அடுத்து Okinawa Lite – நகரப் பயணத்திற்கு சிறந்த மாடல்.
1.25 kWh பேட்டரியுடன் வரும் இது 60 கிமீ ரேஞ்ச், 25 km/h மேக்ஸ் ஸ்பீட், 740 மிமீ சீட் உயரம் என பெண்களுக்கு எளிதான கையாள்திறனை வழங்குகிறது. இதன் விலை ரூ.69,093.

நீண்ட ரேஞ்ச் விரும்புவோருக்கு Ampere Magnus EX சிறந்த தேர்வு.
இந்த ஸ்கூட்டர் 121 கிமீ ARAI ரேஞ்ச், 82 கிலோ எடை, 'லிம்ப் ஹோம்' வசதி போன்ற அம்சங்களுடன் வருகிறது. விலை ரூ.67,999 – 94,900 மாறுபடுகிறது.

குறைந்த எடை, குறைந்த விலை, குறைந்த பராமரிப்பு செலவு, தினசரி நகரப் பயணத்துக்கு சிறப்பாக பொருந்தும் அம்சங்களுடன், மேற்கண்ட எலக்ட்ரிக் ஸ்கூட்டர்கள் தற்போது பெண்களிடையே அதிக வரவேற்பைப் பெற்றுள்ளன.