மாருதி சுசுகி நிறுவனத்தின் பிரீமியம் எஸ்.யு.வி மாடலான Fronx, ஜப்பான் NCAP (Japan New Car Assessment Program) பாதுகாப்புத் தேர்வில் 84% மதிப்பெண்கள் பெற்று நான்கு நட்சத்திரங்கள் பெற்ற பெருமையை இந்தியாவுக்குக் கொண்டுவந்துள்ளது. இந்தியாவில் தயாரிக்கப்பட்ட இந்த வாகனம், ஜப்பானில் 2024 அக்டோபரில் அறிமுகமாகி இருந்தது.

ஜப்பானில் வெளியான மோதல் சோதனை அறிக்கையின் படி, ஃப்ரோங்ஸ் மோதல் பாதுகாப்பு பிரிவில் 76% மற்றும் தடுப்புப் பாதுகாப்பு பிரிவில் 92% மதிப்பெண்கள் பெற்று உள்ளது. மொத்தமாக, 193.8 புள்ளிகளில் 163.75 புள்ளிகளை பெற்று, நான்கு நட்சத்திரங்களைப் பெற்றுள்ளதாக JNCAP அறிவித்துள்ளது.

முழு-முன்பக்க மோதல், பக்கவாட்டு மோதல் (ஓட்டுநர் இருக்கை), பாதசாரிகளின் கால்கள் பாதுகாப்பு ஆகியவையில் இந்த வாகனம் முழுமையான மதிப்பெண்கள் பெற்றுள்ளது. கழுத்துப் பாதுகாப்பு மற்றும் இருக்கை பெல்ட் நினைவூட்டல் சோதனைகளில் ஐந்தில் நான்கு புள்ளிகள், பாதசாரிகளின் தலைப் பாதுகாப்பில் ஐந்தில் மூன்று புள்ளிகள் கிடைத்துள்ளன.

ஜப்பான் வெர்ஷனில் லெவல் 2 ஓட்டுநர் உதவி அமைப்பு, ஆல்-வீல் டிரைவ் (AWD) போன்ற தொழில்நுட்ப வசதிகள் உள்ளன. ஆனால் இந்தியா வெளியீட்டில் இவை இல்லை. எனினும், இந்த மதிப்பீடு, இந்திய வாகன தயாரிப்பு தரம் உலக அளவில் மதிப்புக் கொள்ளப்படுவதை சுட்டிக்காட்டுகிறது.

Fronx – பல்வேறு பவர்டிரெயின் விருப்பங்கள்
Fronx மொத்தம் மூன்று விதமான இன்ஜின் விருப்பங்களில் கிடைக்கிறது:

• 1.2 லிட்டர் நேச்சுரலி ஆஸ்பிரேட்டட் பெட்ரோல் இன்ஜின்:
  88.5 bhp பவர் (6,000 rpm), 113 Nm டார்க் (4,400 rpm).
  5-ஸ்பீட் மேனுவல் மற்றும் AMT விருப்பங்கள்.
  எரிபொருள் சிக்கனம்: 21.79 - 22.89 கிமீ/லிட்டர்.

• 1.0 லிட்டர் டர்போ பெட்ரோல் இன்ஜின்:
  98.6 bhp (5,500 rpm), 147.6 Nm (2,000 - 4,500 rpm).
  5-ஸ்பீட் மேனுவல் அல்லது 6-ஸ்பீட் டார்க் கன்வெர்டர் ஆட்டோமேட்டிக்.

• CNG மாடல்:
  76.4 bhp (6,000 rpm), 98.5 Nm (4,300 rpm).

இந்த வாகனம் மாருதி சுசுகியின் நெக்ஸா பிரீமியம் சேனல் வாயிலாக விற்பனை செய்யப்படுகிறது. வாடிக்கையாளர்கள் மத்தியில் ஏற்கனவே பிரபலமான இந்த மாடல், இப்போது சர்வதேச பாதுகாப்புத் தரங்களிலும் வெற்றிகரமாக தேர்ச்சி பெற்றுள்ளது என்பது இந்த புதிய தகவலால் உறுதி செய்யப்படுகிறது.