இந்தியாவின் மின்சார வாகன சந்தை சாதனை வளர்ச்சியுடன் துடிப்பாக மாறி வருகிறது. 2025 நிதியாண்டில் மொத்தமாக 1.96 மில்லியன் மின்சார வாகனங்கள் விற்பனை செய்யப்பட்டுள்ள நிலையில், இதில் முதல் ஏழு மாநிலங்கள் மட்டும் 64% பங்களிப்பு செய்துள்ளன. இவை உத்தரப் பிரதேசம், மகாராஷ்டிரா, கர்நாடகா, தமிழ்நாடு, பீகார், மத்தியப் பிரதேசம் மற்றும் ராஜஸ்தான் ஆகும்.

• உத்தரப் பிரதேசம்: மொத்த மின்சார வாகன விற்பனையில் 19% பங்குடன் முதலிடத்தில் உள்ளது. குறிப்பாக மின்-ரிக்ஷா பிரிவில் இதன் ஆதிக்கம் அதிகமாக உள்ளது.

• மகாராஷ்டிரா: மின்சார இருசக்கர வாகனங்கள், பயணிகள் மற்றும் வணிக வாகனங்களில் முதலிடம் வகிக்கிறது. 2W, e-PV மற்றும் e-CV பிரிவுகளின் மூன்றிலும் இதன் பங்கு குறிப்பிடத்தக்கது.

• தமிழ்நாடு: மின்சார வாகன உற்பத்தி மையமாக உருவெடுத்து வருகிறது. 36% வளர்ச்சி விகிதத்துடன் விற்பனையில் முன்னேற்றம் கண்டுள்ளது. ஓலா எலக்ட்ரிக், டிவிஎஸ் மோட்டார் போன்ற நிறுவனங்களின் உற்பத்தி மையங்கள் இதை வலுப்படுத்துகின்றன.

• மின் இருசக்கர வாகனங்கள் (e-2W): 1.14 மில்லியன் யூனிட்கள் விற்பனை – ஆண்டுக்கு ஆண்டு 21% வளர்ச்சி. மகாராஷ்டிரா, கர்நாடகா, தமிழ்நாடு முன்னிலை வகிக்கின்றன.

• மின்சார முச்சக்கர வண்டிகள் (e-3W): 6.99 லட்சம் யூனிட்கள் விற்பனை – 11% வளர்ச்சி. உத்தரப் பிரதேசம் 38% பங்குடன் முன்னிலை வகிக்கிறது.

• மின்சார பயணிகள் வாகனங்கள் (e-PV): 1.07 லட்சம் யூனிட்கள் விற்பனை – 18% வளர்ச்சி. மகாராஷ்டிரா, கர்நாடகா, கேரளா முன்னிலை வகிக்கின்றன.

• மின்சார வணிக வாகனங்கள் (e-CV): 8,746 யூனிட்கள் விற்பனை – 7% வளர்ச்சி. மகாராஷ்டிரா தேசிய அளவில் 24% பங்குடன் முன்னிலை வகிக்கிறது.

• கர்நாடகா மற்றும் கேரளா: தொடர்ச்சியான பங்களிப்பையும், தாறுமாறான வளர்ச்சியையும் காண்கின்றன.

• டெல்லி, குஜராத்: சில பிரிவுகளில் விற்பனையில் சரிவைக் கண்டுள்ளன – இது சந்தையின் முதிர்ச்சியை அல்லது சலுகை மாற்றங்களை வெளிப்படுத்தலாம்.

• பஞ்சாப், ராஜஸ்தான், ஒடிசா: குறைந்த தளத்திலிருந்து வளர்ச்சி பெறும் மாநிலங்களாக திகழ்கின்றன.

மஹிந்திரா, பஜாஜ், டிவிஎஸ் போன்ற முன்னணி நிறுவனங்கள் தங்கள் மின்சார வரிசையை விரிவுபடுத்தும் நிலையில், 600க்கும் மேற்பட்ட மின்-3W உற்பத்தியாளர்களின் போட்டியும் கூடியுள்ளது. மத்திய மற்றும் மாநில அரசுகள் கொள்கை ஆதரவும், உள்கட்டமைப்பு மேம்பாடும் வழங்குவதன் மூலம், இந்தியா தனது 100% மின்சார போக்குவரத்து கனவுக்கு மேலும் நெருங்கி வருகிறது.

இந்தியாவின் மின்சார வாகன வளர்ச்சி ஒரு தேசிய வெற்றிக்கதை மட்டுமல்ல, மாநிலங்கள் போட்டியுடன் பங்காற்றும் முன்னேற்றப் பயணமாகவும் மாறியுள்ளது. எலக்ட்ரிக் எதிர்காலம் நம்மை நோக்கி வேகமாக நகர்கிறது!