ஹார்லி டேவிட்சன் இந்தியாவில் தனது X440 பைக் வரிசையில் புதிய மேம்பட்ட வேரியண்ட் — X440 T — ஐ அறிமுகப்படுத்தியுள்ளது. X440 மாடலை அடிப்படையாகக் கொண்டு சில முக்கிய டிசைன் மாற்றங்களுடனும், கூடுதல் தொழில்நுட்ப வசதிகளுடனும் இந்த புதிய பைக் வந்துள்ளது.

X440 வெளியானபின் வாடிக்கையாளர்கள் குறிப்பிட்ட பின்பக்க டிசைன் குறைகள் இந்த புதிய மாடலில் சரிசெய்யப்பட்டுள்ளன. பின்புற ஃபெண்டர், வீல் இடைவெளி ஆகியவை புதிதாக வடிவமைக்கப்பட்டுள்ளதால், X440 T-க்கு ஒரு ஸ்போர்ட்டியான, திடமான தோற்றம் கிடைத்துள்ளது. புதிய கிராஃபிக்ஸும் இந்த மாடலுக்கு புதிய லுக் அளிக்கின்றன.

புதிய வசதிகளாக,
• Ride-by-wire திராட்டில்,
• ரோடு & ரெயின் என்ற இரண்டு ரைடிங் மோடுகள்,
• ஸ்விட்சபிள் ட்ராக்ஷன் கண்ட்ரோல்,
• ஸ்விட்சபிள் ரியர் ABS,
• பேனிக் பிரேக் அலர்ட் சிஸ்டம்

அனைத்தும் சேர்க்கப்பட்டுள்ளன. இதனால் இந்த வேரியன்ட் ஸ்டாண்டர்டு மாடலை விட 1.5 கிலோ அதிகமாக 192 கிலோ எடையைக் கொண்டுள்ளது.

இதற்குப் பிறகு, இன்ஜின் விபரங்களில் எந்த மாற்றமும் இல்லை. அதே 440cc சிங்கிள் சிலிண்டர் ஏர்/ஆயில் கூல்டு என்ஜின், 27 hp பவர், 38 Nm டார்க், 6-ஸ்பீடு கியர்பாக்ஸ் ஆகியவை பயன்படுத்தப்பட்டுள்ளன.

முன்பு விற்பனையில் இருந்த டெனிம் வேரியன்ட்டை நிறுவனம் நிறுத்தி விட்டது. தற்போது X440 அனைத்து வேரியன்ட்களிலும் அலாய் வீல்கள் ஸ்டாண்டர்டாகக் கிடைக்கின்றன.

விலை விவரம் (எக்ஸ்-ஷோரூம்):
• X440 Vivid – ₹2.34 லட்சம்
• X440 S – ₹2.55 லட்சம்
• X440 T – ₹2.79 லட்சம் (புதிய வேரியன்ட்)

இந்த புதிய மாடலுக்கான முன்பதிவுகள் டிசம்பர் 7 முதல் தொடங்கியுள்ளன. ஹார்லி-டேவிட்சன் / ஹீரோ ப்ரீமியா டீலர்ஷிப்கள் மற்றும் ஆன்லைன் மூலமாக முன்பதிவு செய்யலாம்.

ஹார்லி டேவிட்சன் ப்ரீமியம் பைக்கிங் அனுபவத்தை குறைந்த விலையில் வழங்கிய X440-க்கு, இந்த புதிய X440 T வேரியன்ட் மேலும் ஒரு மேம்பட்ட ஸ்போர்ட்டி தேர்வாக அமையும்.