கடந்த சில வாரங்களாக தங்கம் விலை ஏற்றத்திலும் இறக்கத்திலும் மாறிமாறி இருந்து வருவதால், முதலீட்டாளர்கள் குழப்பத்தில் உள்ளனர்.ஒருநாள் குறைவு, மறுநாள் ஏற்றம் எனச் செல்லும் இந்நிலையில்,தங்கம் விலை எதிர்காலத்தில் எந்த திசையில் நகரும் என்ற  கேள்விக்கு பொருளாதார நிபுணர் ஆனந்த் சீனிவாசன் தன்னுடைய தெளிவான விளக்கத்தை அளித்துள்ளார்.

கடந்த மாதத்தின் இறுதியில் தங்கம் விலை திடீரென குறைந்து,ஒரு சவரன் ரூ.90,000க்கு கீழே சென்றது.தற்போதும் தங்கம் விலை அதே நிலைபாட்டில், சிறிய ஏற்ற இறக்கங்களுடன் நகர்கிறது.இதனால், “தங்கம் விலை இன்னும் சரியுமா?” என்ற சந்தேகம் முதலீட்டாளர்களிடையே எழுந்துள்ளது.

தனது யூடியூப் வீடியோவில் பேசிய ஆனந்த் சீனிவாசன், தங்கம் விலையை பாதிக்கும்
அமெரிக்க வரி கொள்கை, டிரம்ப் வழக்கு, மற்றும் ஏஐ பப்பிள் (AI Bubble) போன்ற முக்கிய அம்சங்களைப் பற்றிக் கூறினார்.

அவர் கூறியதாவது:“தங்கம் விலையில் லேசான ஏற்ற இறக்கம் தொடர்கிறது.வெள்ளி விலையும் அதேபோல மாறாமல்தான் உள்ளது.
ஆனால் வெள்ளி வாங்கும் விலைக்கும் விற்கும் விலைக்கும் இடையேயான வித்தியாசம் மிக அதிகமாகிவிட்டது. இது எவ்வளவு நாள் தொடரும் என யாருக்கும் தெரியாது. இதுதான் மார்க்கெட் நிலைமை.”

அமெரிக்காவில் முன்னாள் அதிபர் டொனால்ட் டிரம்ப் வரி தொடர்பான வழக்கில் சிக்கியுள்ளார்.அமெரிக்க உச்ச நீதிமன்றம் அந்த வழக்கை விசாரிக்கிறது.

அதைப்பற்றி ஆனந்த் சீனிவாசன் கூறியதாவது:“அங்கு டிரம்ப் ‘பிளான் பி’ இருக்கிறது என்கிறார்.இந்த வரி செல்லாவிட்டாலும் வேறு வழி இருக்கிறது என்கிறார்.ஆனால் எதுவாக முடியும் என்று யாருக்கும் தெரியாது.டிரம்ப் ஆதரவு நீதிபதிகள் உச்ச நீதிமன்றத்தில் 6 பேர் இருப்பதால்,தீர்ப்பு எந்த திசையில் போகும் என சொல்ல முடியாது.”

அவர் மேலும் கூறினார்:“இந்த நிலைமையில், அந்த வழக்கை அடிப்படையாக வைத்து முதலீட்டு முடிவுகளை எடுக்கக்கூடாது.
உலக சந்தை முழுவதும் அந்த தீர்ப்பை எதிர்நோக்கி காத்திருக்கிறது.”

அமெரிக்காவில் தொழில்நுட்ப நிறுவனங்கள் பெருமளவில் கடன் அடிப்படையில் வளர்ச்சி அடைந்து வருவதாக அவர் கூறினார்.“ஏஐ பப்பிள் பெரிதாகிக் கொண்டே செல்கிறது.பேஸ்புக் நிறுவனமான மெட்டா கூட கடன் வாங்கி புதிய திட்டங்களைத் தொடங்கியுள்ளது.இது ஒரு எச்சரிக்கை மணி.பொருளாதார மந்தநிலை நீண்ட காலமாக தள்ளி வைக்கப்பட்டு வருகிறது.ஆனால் அது எப்போது வெடிக்கும் என்று யாருக்கும் தெரியாது.”

தங்கம் விலை எதிர்காலத்தில் பெருமளவில் குறையாது என்பதையும் அவர் தெளிவாக கூறினார்.“தற்போதைய சூழலில் தங்கம் விலை நல்ல நிலையில்தான் உள்ளது.கிராமுக்கு ரூ.1500 முதல் ரூ.2000 வரை சரிவது கடினம்.ஏனெனில் தங்கம் விலை அத்தனை அளவுக்கு சரிந்தால்,
பிற சொத்துகளும் (ஷேர் மார்க்கெட், ரியல் எஸ்டேட்) அதேபோல் விழும்.அதுதான் இப்போது உலக பொருளாதார நிலைமை,”என்று ஆனந்த் சீனிவாசன் குறிப்பிட்டார்.

தங்கம் விலை மாறுபாடுகள் குறுகிய காலத்துக்குள் தொடரும் என பொருளாதார வல்லுநர்கள் மதிப்பிடுகின்றனர்.ஆனால், ஆனந்த் சீனிவாசனின் கணிப்புப்படி, தங்கம் விலை ரூ.1500 வரை சரிவது சாத்தியமில்லை.

அமெரிக்க வரி தீர்ப்பு, ஏஐ பப்பிள் நிலைமை, மற்றும் உலக சந்தை இயக்கங்கள் ஆகியவைஅடுத்த சில மாதங்களில் தங்கம் விலைக்கு திசை காட்டும் முக்கிய காரணிகளாக இருக்கும். “தங்கம் விலை சரிவது கடினம் – ஆனந்த் சீனிவாசனின் பிளான் பி கணிப்பு மார்க்கெட்டில் கலக்கத்தை ஏற்படுத்தியுள்ளது!”